Alber, Joannis Nepomuk: Institutiones historiae ecclesiasticae Tom.1. (Agriae, 1825) - 89a
56 CAPUT II. DE CHRONOLOGIA. 'S- »• Chronologia altera Mathematica, altera Historica. De anno Solari. Historia nisi distincta sit, et illustrata lumine ad videndum, res, quae narrantur, quo tempore, atque loco actae sint, fabulae similior est, quam verae narrationi. Ex quo sequitur, eum, qui historiam cognoscere plene vult, debere instructum esse scientia Clironologiae, et Geographiae. Ilaec regionum , atque locorum , illa temporum descriptio est. De illa prius, deinde de hac agetur. Ad metiendum, et definiendum tempus, quod Graece x^oW vocatur, cursus adhibetur solis, et lunae perpetua populorum omnium consvetudine. Solis conversio anniim efficit, lunae mensem. Observare cursum solis , lunae , aliorumque astrorum, atque ope calculi investigare, et designare vicissitudines, quae in his fiunt, nec non harum tempora determinare , ad scientiam pertinet Chronologi mathematici , et Astrologi. Altera Chronologia est historica: quae ostendit, quomodo ratio temporum , quae ab Historicis non eodem modo inita est, et computata a diversis initiis, redigenda sit ad eam computandi formam , quae nobis usitata est, atque sic intelligentiam de tempore, quo res quaevis acta sit, assequamur. Neque tamen etiam I
