Alber, Joannis Nepomuk: Institutiones historiae ecclesiasticae Tom.1. (Agriae, 1825) - 89a

Cap. l. ejusdem libri 2. adverti potest: Quamvis Dominus Petrum, Jacobum, et Joannem ceteris prcetulisset, non idcirco de primo honoris gradu inter se contendebant, sed Jacobum Hierosolymorum Episcopum elegerunt. Nam primus honoris gradus fuitne Episcopatus Jerosolymitanus? hunc ne primum gradum tenuit Jacobus inter Apostolos? et istene primus honoris gradus venit tantum ab instituto Apostolorum? Ubi igitur erit Primatus Petri, suam ducens originem ab ipso Christo? Auctoritatem Romani Pontificis etiam Ariani inviti ferebant, quam suis molitionibus experiebantur contrariam. Huc itaque tendit, quod non de uno Petro , sed de Petro , Jacobo , et Joanne , a Christo ceteris Apostolis antelatis, deque primo gradu honoris, qui sit Jacobo collatus, idque tantum ab Apostolis, deque Ecclesiae administration e universali; quam idem susceperit Jacobus, scripsit Eusebius nonnisi subdole.

Idem citato loco scriptum reliquit, eidem Jacobo, fuisse concessum ab Judaeis ob venerationem qua eum prosecuti sint, ut quotiescunque voluisset, Sancta sanctorum templi ingredi potuerit: quando constat, huc nonnisi Summo Sacerdoti, tantumque in anno semel ingredi licitum fuisse. Et Judaeis fuitne in aliqua veneratione Christianus ? ALque lamina aurea, quam scribit, gestatam esse ab eodem Jacobo, et ab Joanne in fronte, prout mos erat Summo Sacerdoti Judaeorum , velut insigne Episcopatus , debet esse nonnisi Commentum, et fabula. Henricus Valesius Eusebii Historiam in latinum vertit, et notis illustravit , cujus etiam patrocinium suscepit. Idem tafhen confiteri coactus est, non esse expertem fal- sitatis. Loca quaepiam, ubi se haec prodit, in Rus 6 Prolegomena