Alber, Joannis Nepomuk: Dissertationes in selecta argumenta historiae ecclesiasticae Tom.2. (Pestini, 1820) - 683b
78 DISSERTATIO XIL sis fidei , aut de regulis generalibus definiri potuisse absque sententia Romani Pontificis. Istae autem res certe quidem tractabantur in Conciliis, praesertim generalibus. Itaque nec istius confirmationis inventor, atque inceptor per suas falsas Decretales fuit Isidorus: sed Febronius initium confirmandorum Conciliorum per Romanum Pontificem repetens ex Isidori Decretalibus fallitur. Inter spurias merces numerat deinde Febro-« nius Arcbiepiscopale pallium, quod Metropolitanis solet dare Romanus Pontifex. Hujusque initium repetit ex Pelagii L epistola, quasi ab Isi- doro tantum, fabricata, cujus verba haec sint: ,,Placuit, ut quisquis Metropolitanus ultra tres „menses consecrationis suae ad fidem suam ex- ,,ponendam, Palliumque suscipiendum ad Apo- „stolicam Sedem non miserit, commissa sibi ea- ,,reat dignitate.,, Atque unde Febronius adstruit eam inductam esse disciplinam, ut Metropolitanis , licet consecratis , tamen ante acceptum Arcbiepiscopale pallium nequidem Episcopales functiones obire licitum sit. Duo autem sunt inPe-r lagii epistola, cur Metropolitanus intra spatium trium mensium a sua consecratione ad Apostoli- cam Sedem mittere debeat: primum, ut fidem suam exponeret, alterum, ut pallium susciperet. Carpit hoc institutum Febronius, et contra hanc missionem , ut rem invidiosam faceret , solummodo Pallium memorat, fidei expositionem, cujus causa Metropolitanus , recenter consecratus mittere debeat ad Apostolicam Sedem, silentio transmittit. Nemo vero dubitabit , fidei expositionem, cur Metropolitanus mittere deberet ad Apostolicam Sedem, esse praecipuam causam, pallium vero esse" nonnisi honoris insigne , quod dans, et mittens Rqmanus Pontifex una indicaret,
