Alber, Joannis Nepomuk: Dissertationes in selecta argumenta historiae ecclesiasticae Tom.2. (Pestini, 1820) - 683b
DE JVRE PRINC. CIRCA SACRA 505 clesiae, si hanc observaverint non esse consen- laneam legi divinae, vel naturali? Namque pri- ts affirmavit, Principes scire ea, quae sunt Religionis , praesumendumque esse , hos nihil praecepturos esse Religioni contrarium, et unde conclusionem fecit, Ecclesiae nulla opus esse inspectione in ea, quae statuta fiunt a Seculari Principe, quae tamen ab hoc inspectio adhibenda esset, et exercenda erga ea, quae statuuntur a Rectoribus Ecclesiae, quod quamvis et de his bene opinandum sit, nihil eos suis statutis velle nocere Reipublicae, attamen ignotus his esset status Reipublicae. Et quotusquisque est filiorum Ecclesiae, ea etiam cognitione legum divinarum, et naturalium instructus, ut per seipsum possit judicium facere , quid legibus divinis, et naturalibus consentaneum, vel dissentaneum sit? Neque igitur hoc, Ecclesiae filios animadversuros, quid legi divinae naturali consentaneum sit, potuit etiam generaliter ponere. Ipsi etiam, qui se Jurium peritos profitentur, conveniuntne semper de officiis, quae ex solo tantum etiam jure naturali ducuntur? nullaene de his sunt disceptationes inter eos? Tanto minus vero potest in omnibus fidelibus Christianis poni legum divinarum scientia, nisi forte hos quis putat dehere esse omnes non tantum Jurisconsultos bonos, verum etiam perfectos Theologos. Deinde dum Pe- hemus facultatem dat dubitandi de aequitate legun| tam Ecclesiasticarum , quam Politicarum, annon simul etiam licentiam dat Principum statuta , at-? que leges cuique sub suum judicium vocandi, et examinandi, justaene sint? In hac vero liberta-, te quis erit, si ei non arriserit lex, qui hanc non sit habiturus veluti Religioni noxiam, et inju* stam? Hocne Principum auctoritatem firmat in subditos? Quod Neotericorum Jus Ecclesiasticutft
