Alber, Joannis Nepomuk: Dissertationes in selecta argumenta historiae ecclesiasticae Tom.2. (Pestini, 1820) - 683b
DE JVBE PRINC. CIRCA SACRA. 499 ad quam tuitionem Ecclesiae sibi collatam babent a Deo ipsam etiam potestatem Regiam, sed si istis Juris doctoribus aures praebeant, ad opprimendam Ecclesiasticam potestatem) velut sibi perniciosam, et inimicam, concitentur? Cur etiam in sua definitione Inspectionis Secularis hanc Inspectionem ponunt in Principibus tantum adversus noviter constituta ab Ecclesia, ut si damnum afferrent Civitati, hoc impediretur, sique jam illatum esset, tolleretur? Tantumne nova Ecclesiae statuta Principibus formidolosa sunt, in vetustis hoc conting'ere non potuit? Sed vident, si hoc Inspectionis jus, idque ex jure Majestati- co, ponerent jam in seculis Ecclesiae primis, dum Imperatores omnes Ethnici fuissent , dum- que inter hos, et Christianos Imperatores injure Majestatico nullum discrimen est, sequi $ ut hoc idem Inspectionis jus etiam in Imperatoribus Ethnicis esse debuisset ad impediendum , quidquid viderent, et haberent suo judicio rebus sui Imperii non consentaneum, quique nulla pro Religione Christiana statuta passi fuissent, qui ipsos etiam Scripturae sacrae libros eripere conabantur Christianis, Keligionemque Christianam funditus sufferre. Etiam praeterea illud iterum vitium est argumentationis , quod jam supra notatum fuit alia in re. Vitiosa est conclusio, et nullius momenti, si quod conclusum est, vi ejusdem argumentationis possit converti in partem etiam adversam. Hi Jurisconsulti Inspectionem ad negotia Ecclesiastica in Principibus Secularibus ponunt ob eam, causam, ut si quid fortasse ab Ecclesiastica potestate statutum esset temporali felicitati Civitatis non consentaneum, quae pro fine Principibus Secularibus in gubernando sit, istud possent impedire, Possunt vero a Seculari etiam polesta32 *
