Alber, Joannis Nepomuk: Dissertationes in selecta argumenta historiae ecclesiasticae Tom.1. (Pestini, 1820) - 683a
DE ORIG, SEDIVM PATRIARCH. BT METROP. 71 drinum pertinebat, nec aliam ob causam, quam ut hunc vexaret, non tantum non curando illius sententiam, qua per eum depositus erat ex Episcopatu propter crimen admissum idololatriae in persecutione , verum etiam se se erigendo adversus illum, jusque usurpando, quod in tota dioecesi Aegypti proprium Episcopi Alexandrini erat. Ta- cuitne Alexandrinus Episcopus, et cessitne Me- letio ? Si autem hoc jus tantum sibi quaesitum habuisset Episcopus Alexandrinus malis artibus, cumque injuria , atque iniqua oppressione collegarum suorum, factumne hoc illius Concilium Nicaenum approbasset, et confirmasset ? Nemone inter trecentos octodecim Episcopos Nicaeni concilii fuisset, qui expergisceretur, et contradiceret, ne id sanciretur decreto ipsius etiam Concilii, quod Episcopi primarum urbium in dioecesibus Imperii, et provinciis tantum ambitione, cumque injuria omnium aliorum Episcoporum sibi arrogavissent? Qui autem , quemadmodum Binghamus, etiam per Canones vetustiores statuunt ab ipsa Ecclesia esse istum sancitum morem, ut Sedium, quae Patriarchales, vel Metropolitanae dicuntur , Episcopi auctoritate potirentur supra alios suarum dioecesium, vel provinciarum Episcopos, istis, si volunt, ut ipsis credatur, istud etiam probandum esset. Quod vero tantum nude* asserunt, quin ex monumentis historiae Ecclesiasticae ullum vestigium hujus factae rei proferre sciant. Res acta per omnes dioeceses Romani Imperii, et provincias , in quibus omnibus hi Patriarchae , et Metropolitae jam longissime ante Concilium Nicaenum exstiterunt, tamne occulte fieri potuit ab Ecclesia , aut per oblivionem intercidere, ut nullum existeret indicium in Conciliorum actis, aliisque scriptorum monumentis ? Hoc igitur, qui afferunt pro origine Sedium Patri arch alium, X
