Alber, Joannis Nepomuk: Dissertationes in selecta argumenta historiae ecclesiasticae Tom.1. (Pestini, 1820) - 683a
TO DISSERTATIO II. iio Nicaeno eodem Canone sexto, qui jam memoratus est, istud est: „Antiqua consvetudo servemur per Aegyptum, Libyam, et Pentapolim, „ita ut Alexandrinus Episcopus horum omnium „habeat potestatem, quia et Romae Episcopo parilis mos est. Similiter autem et apud Antiochiam, „ceterasque provincias suis privilegia serventur „Ecclesiis.,, Anno 325» celebratum hoc Concilium est. Antiquae consvetudinis illud jus declaratur esse, quod Episcopus Alexandrinus exercuit supra Aegyptum, Libyam, et Pentapolim , nihilque ei novum datur, sed tantummodo idem illud ei asseriti r, quod jam tenuit ex antiqua consvetudi- ne. Eadem ratione Patres Nicaeni loquuntur de privilegiis tantummodo etiam servandis , et retinendis Antiochenae , ceterarumque provinciarum Ecclesiis. Igitur jam tempore Concilii Nicaeni antiquum fuit, ut non tantum Alexandrina sedes, verum etiam Antiochena, in ceterisque provinciis quaepiam Ecclesiae praeditae essent privilegiis. Omniumne harum provinciarum Episcopi, quibus haec fuerunt privilegia, Metropolitae videlicet, et Primates, praecipue autem Patriarchae , sibi sua ambitione compararunt haec privilegia ? Omnium igitur urbium, quae primae erant dioecesium, et provinciarum Romani Imperii Episcopos oportuisset conspirasse in id, ut earundem dioecesium, atque provinciarum ceteros Episcopos sibi subjugarent. Sique hoc conati luissent facere, num ceteri Episcopi omnes omnium dioecesium , et provinciarum, obdormivissent, ut quid juris illorum esset, non viderent, nemo eorum ambitioni resisteret? nemo jus suum, et libertatem tueri studuerit. Meletius Lycopolitanus in Thebaide Episcopus jus invaserat Episcopi Alexandrini ordinando Episcopos , quos ordinare ad Episcopum Alexán-
