Alber, Joannis Nepomuk: Dissertationes in selecta argumenta historiae ecclesiasticae Tom.1. (Pestini, 1820) - 683a

do est : ,,Quoniam Timotheus primus factus est ,,praedictae sanctae Synodi praesidens , utpote ,, Alexandriae Patriarcha , et una cum Episcopis, ,,qui secum erant, provexit Nectarium Constan- ,,tino poleos Patriarcham.,, Eidem synodo affuit Meletius Episcopus Antiochenus unius partis Catholicorum , dum altera pars , tametsi etiam Catholica , haberet Episcopum Paulinum facta scissione inter ambas partes. Is in eodem concilio fuit mortuus. Attamen exstat ejus nomen in subscriptione Concilii in Mansiana Collectione. Ex quo sequitur , hujus concilii decisiones , et statuta esse ante ejus obitum perfecta. Affuit huic concilio etiam S. Gregorius Nazianzenus, Episcopatum tunc gerens Constantinopolitanum , quique per Concilium ei assertus est adversus Maximum Cynicum , qui se factiose ingerere ad Episcopatum Constantinopolitanum conabatur , Gre- goriumque extrudere. Ex dolore autem, quod in locum defuncti Meletii in hoc eodem concilio Flavianus esset ordinatus Episcopus, istaque ratione schismatis facta esset in Antiochena Ecclesia continuatio, et quod Timotheus quoque Episcopus Alexandrinus adversus ejus Episcopatum, insurrexisset, quod hic Gregorio ante ejus adventum ad Concilium per Episcopos adjudicatus fuisset, ipsius non exspectato consensu, Gregorius se se ultro abdicavit Episcopatu. Dum ergo iri Concilio de Episcopo Constantinopolitano, novis privilegiis ornando, actum fuit, si actum est, Episcopatum hunc gerebat adhuc Gregorius. Iste in Carmine de Vita sua testatur , se se semper omnem fugisse Episcopatum, quod etiam re iu hoc ipso concilio declaravit, ultro dimittendo Episcopatum, dum hunc vidisset vellicari ; inde autem, quod Sazimorum Episcopus fuisset prius ordinatus , sed quem numquam Episcopatum adierit,

DE ORIG. SEDIVM PATRIARCH ET ME TR OP. 6l