Alber, Joannis Nepomuk: Dissertationes in selecta argumenta historiae ecclesiasticae Tom.1. (Pestini, 1820) - 683a

DE S. TETRI EFISCOPATV ROW.

57

Sed neque ideo dissidium debet esse inter Lactantium, et inter Hieronymum, atque Eusebi- um , quia ille Neronem habet , hi Claudium , sub quo Petrus Romam venerit. Nam sequiturne , Petrum non potuisse denuo venire Romam sub Nerone, postquam jam antea eo venisset, sedemque sibi illic fixisset , sed Evangelii praedicandi causa itinera etiam aliorsum in alias civitates, ac regiones suscepisset? Aut vero, postquam primo Romam venit, sicne debuit illic manere affixus, ut pedem ei inde efferre non licuerit? Lactantius habuit hunc solum scopum, exponere, qui persecuti Ecclesiam sint, et qualem hi vitae exitum habuerint. Nihil ergo ad hunc attinebat, memorare etiam priorem Petri adventum Romam. Alterum autem memoravit, qui ad ejus pertinebat propositum, ut crudelitatem Neronis in persequendis Christianis exponeret, atque tyrannum ostenderet, a quo ipsa etiam prima Apostolorum lumina exstincta sint.

Ab anno secundo Claudii, qui est Aer. Vulg. secundus, et quadragesimus , anni quinque et viginti excurrunt usque ad an. Aer. Vulg. septimum, et sexagesimum, quo juxta Hieronymianum .calculum Petrus Romae actus in crucem est. Antiochiae eumdem Petrum sibi prius constituisse sedem Episcopalem perbibet Origenes homil. 6* in Lue. S. Chrysostomus Tom. 5. homil. 12« S. Hieronymus Lib. de Vir. Illustr. cap. 1. S. Leo M. serm. 80- Innocentius I. et Gelasius. Cone. Tom. 2* pag. 1269. et Tom. Z». pag. 12Ö2* Neque tamen in annis, quibus Petrus Antiochiae sederit, hi inter se conveniunt. S. Gregorius M. lib. 6* epist. 57* et Auctor Libri Pontificalis docent hoc septem annorum spatium fuisse«