Alber, Joannis Nepomuk: Dissertationes in selecta argumenta historiae ecclesiasticae Tom.1. (Pestini, 1820) - 683a
IV PRAEFATIO. Hunc ego laborem quoad Historiam meam resumpseram statim, ubi absolvissem Opus interpretationis meae in universam Scripturam sacram veteris, et novi Testamenti: at hunc interrumpere debui saepius propter illas lucubrationes meas, quas Institutionum Hermenevticarum nomine feci de eadem Scriptura sacra veteris, et novi Testamenti. Quibus perfunctus cum 3neas curas referre voluissem ad eam- dem Historiam, simul vero aetatem meam circumspexissem septem, et se- xaginta annorum, illud mihi sollicitudinem injecit, ne fortasse ad hoc opus longioris temporis vita mihi non suppeteret. Quam ob rem cepi istud aliud consilium, ut dissererem de his tantum in Historia Ecclesiastica rebus, ob quas totam Historiam volebam denuo elaborare, sperans aetatem meam huic breviori labori suffecturam, quemadmodum, Deo dante, etiam suffecit. Quin ita iis quoque, qui istas disquisitiones meas non dedignabuntur aliquo loco habere, non dubitavi me commodius facturum, etgra-