Sztrecsko, J. Georgio: Theologia dogmatico moralis (Pestini, 1816)-634
Prolegomena de Religione cognoscendaeque eius principiis. §•.. Notio religionis, scopus et iura rationis• Omnibus hominibus ad animi sui quietem et felicitatem maxime haec scienda sunt: I. an sit Deus, qui nos omniaque , quae cernimus , creaverit ? II; An sit providentia, an Deus nos, postquam creavit, curet, nostraque fata regat? III. Utrum sit animorum immortalitas , an idem fatum animum corpusque nostrum oppressurum sit ? IV. Quomodo nos , his stantibus , cum nobis conciliare, propitium et gratia eius dignos nosmet reddere, id est, quomodo eum colere debeamus. Atqui in hoc posita est religio , quae est certa Deum colendi ratio. Requisita illius sunt, notitiae de Deo, eius erga nos animo et voluntate , sensus animi, seu affectiones, habitus et actiones illis notitiis sensibusque convenientes, et ex illis profluentes. Haec est religio subiective sumta. Sed saepe religio ipsas doctrinas de Dei natura, attributis, voluntate etc. significat, et tum obiective sumi dicitur. Hinc discere religioA
