Krammer Ferenc: Fragmentum quintum historico-dogmaticum de neoterica religionis et Ecclesiae catholicitate ... ex traditione originali (Posonii, 1825) - 23.280
luculentius in scriptura ipsa, — sed an, si eam ei efficaciam neges, etiam consequenter ? — Cum seria Dei voluntas, Christianam rem inviolatam ad saeculi usque consummationem conservandi, indubitata sit, parte ex una — parte vero ex alia, Deum in delectu apti ad finem medii falli sit impossibile omnino, nec dubitari valeat, ad conservationis finem ordinasse instituti praedicationis medium , •— anne, qui hoc Dei Consilium credis, sanamque habes de Dei sapientia ideam , dubitare de instituti hujus ad eum finem efficacitate, hocque ipso de jugi rei Christianae per idem hoc praedicationis institutum conservatione potes? •— Profecto, haud potes ! Quaerere eam efficacitatem in scriptura — et quidem, invito systemate, absque omni testimony scripturae, -— tam abhorrens, ineptumque est, ut quaesitam unquam esse mirarer omnino, nisi haberem exploratum, quaesitam in aestus duntaxat et odii tumultu esse — tametsi vero inventionem hanc perinepiam esse credam merito ac fundate , omnium attamen minime seu negligendam , seu tractandam perfunctorie esse , omnis a- gnoscet, qui novit et insolitam in defendenda obstinationem, et nocentissima defensae consectaria. — Quare fixum est, nullum, qui quidem mihi occurrerit, praeterire apicem, tantumque loco quolibet dicere, quantum properanti, etsi forte jam alias quoque dictum, inciderit, relicta peritioribus Magistris dictorum, demonstrationumque mearum , quas nonnullis observationibus comprehendam, perfectione. * * Rite, quaeso, intelligar. — Cum vim conservandi nego scripturis, non omnem eis nego ad conservandam aptitudinem; — aptae enim sunt, sed ita circiter, sicut scrinia ad conservanda, quae conclusa iis sunt, talenta; — quae attamen ipsa haec scrinia rursus sedulo egent Conservatore. — Ita circiter, inquam; quia novi, aptas quoque esse ad magnam multarum veritatum cognitionem; licet nec totalem, nec satis tutam. — Amplius haec liquehunt ex subnexis observationibus%
