Krammer Ferenc: Fragmentum quintum historico-dogmaticum de neoterica religionis et Ecclesiae catholicitate ... ex traditione originali (Posonii, 1825) - 23.280
i 52 i. Observatio. De scripturarum cum rei Christianae conservatione nexu, Si is est scripturae cum Conservatione rei Christianae nexus, ut, nisi praehabeatur scriptura, actum sit de conservatione, sicuti solet praetendi, sequitur luculente, quam seria ac manifesta ex scripturis est, Dei, rem Christianam in perpetuum conservandi, voluntas, tam fieri seriam eate- nus provisionem, eandemque manifestari oportuisse, ne, medii incertitudine , finis periclitetur; — quo enim finis gravior, tanto luculentius, ad ejus adsecutionem absolute necessarium, medium esse oportet. — Quis haec inficiari audeat? •— Atqui nulla uspiam hujus per scripturam provisionis seu serietas, seu certitudo occurrit; — unde sequitur aperte , aut praetensam connexionem fabulam esse, a noto ex reformationis historia odio, et, quod veteri Ecclesiae displicebat, proposito asserendi, natam, — aut graviter omnino, crasseque et Jesum Christum errasse, quod non tantum nihil ipse scripserit, verum ne jusserit quidem diserte, — et Apostolos, tam eos, qui perinde nihil scripserunt, — et eos, qui scripserunt aliquid; cum nullus, uti constat, scripserit omnia, et, qui scripserunt, scripserint occasionaliter duntaxat, sui tantum temporis, et praesentium tunc hominum, necessitati apte, absque o~ mni seu ad universalitatem, seu ad posteritatem Christia-- nam , respectu , sicuti vidimus. * * Quam atrox fabulae consectarium! — Cum parte ex una fortis praeoccupatio pro scriptura, ceu unico conservandae rei Christianae medio, ingesta sit protestantium Magistris, parte vero ex alia , medii hujus ad finem hunc ineptitudo, reluceat luculente, — quid fit? — divina Christianae Religionis periclitatur Origo! — et ex mediorum ad finem ineptitudine, arguitur illius sapientiae defectus, quam in omni Dei opere, ast imprimis extraordinario, quale rem Christianam esse credimus, relucere o- portet! — Quis fabulae authorem, authorem una teterrimi consectarii, esse, neget ?
