Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
478 ia partes dividebat. Optabatur diu jam reformatio, ast frustra, Benedicto XIII. et Gregorio XII. penes promissa solum restituendae unionis manentibus. Quare ut tandem malo medela adferretur , utriusque obedientiae Cardinales per regem praesertim Galliae adursi oecumenicum in civitate Pisana celebrandum concilium anno 1409. convocarunt invitis licet Pontificibus. Objecta hoc in concilio pertractanda erant sublatio schismatis, ct Ecclesiae reformatio. Interfuerunt Concilio Cardinales , Patriarchae Alexandrinus , Antiochenus, et Jerosolymifa- nus , Archiepiscopi, episcopi 180, abbates et Theologiae do- ctores magno numero , legati insuper regum Galliae , Angliáé, Lusitaniae, Bohemiae, Siciliae et aliorum principuin. Concilio praesedit Cardinalis Pictavieusis utriusque collegii decanus. Iu prima sessione suscepta est concilii official iorum electio , recitata fidei professio, statutae ceremoniae durante concilio observandae, et tam hac, quam secunda, et tertia sessione citatio Gregorii et Benedicti facta, et ad valvas Ecclesiae affixa est, cumque nullus comparuisset ambo pro contumacibus declarati sunt. Sessione quarta ad collegium admissi oratores Roberti Ita variae ducis, et electi Romanorum regis, qui partes Grezo- rii tilentes contra decreta Cardinalium dificultates movebant. *') Postulantes ut concilium ad aliam quandam Urbem transferretur, si quidem Gregorius ibidem proprio motu Pontificatui re- uunciare velit, dummodo idem faceret etiam Benedicitis. Sed cum patres declararent se alio die responsum daturos esse, oratores clam non expcctato responso recesserunt. In sessione quinta rursus contumaciae accusati sunt ambo litigantes, et concilii pro- motor triginta septem articulos adversus eos proponi jussit, qui totam Schismatis historiam exponebant. In sessione 6. 7. et 8. electi sunt ex quavis natione viri, qui simul congregati testium fassiones exciperent, et omnia documenta ad causam praesentem spectantia discuterent. In eadem sessione 8. declaratum Cardinales utriusque obedientiae legitime potuisse convenire , le- gitimuinque eos constituere concilium generale, quod universam Ecclesiam repraesentat, et plena potestate medelam Ecclesiae vulneribus adferendi gaudet. Ia sessionibus reliquis porro quoque testium fassiones excipiuntur , et documenta investigautur,
