Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
470 Patriarchae, Constantiuoplitanus, Antiochenus, et Aquilejensia, centum circiter quadraginta praelati, uti archiepiscopi, et episcopi exltalia, Gallia, Hispania, et Britannia , plures insuper abbates, et claustrorum regularium superiores, denique et procuratores a Friderico II. ad causam ipsius propugnandam missi, quos inter eminebat Thaddaeus de Suessa vir eloquentia et audacia celebratus. Pontifex Synodum consveto sermone adaperuit, ct causas celebrandi Concilii quinque proposuit sequentes: 1) Quod Tartari Christianas terras invaserint. 2) Quod Schisma Ecclesiae Graecae perduret. 3) Quod haereses omni ex parte augeantur. 4) Quod Saraceni terram Sanctam recuperaverint, eamque affligant 5) Quod Fridericut II. imperator Ecclesiam gravissimis injuriis afficiat 12). Causae ultimae medelam in instanti adferre volens Pontifex, eam concilio illico discutiendam proposuit, imperatorem Fridericnm haereseos, perjurii et sacrilegii reum pronuncians, talemque describens, qui pro Saracenis civitatem erexerit, moribus et ritibus eorum se conformet, mulieres Saracenas depereat, et cum Sultano Babilonig amicitiam foveat. Fridsricum quidem potenter defendebat Thaddaeus declarans, et nomine ejus promittens, quod expeditionem sacram in Orientem suscepturus, patrimonium *S. Petri redditurus , damna illata reparaturus, imo et Graecorum Schisma pro viribus sublaturus sit, verum fidem nullam inveniebat Thaddaeus cum imperator saepius jam facta promissa haud exolverit. His cunctis praemissis Innocentius IV. P. imperatorem Fridericnm communione Ecclesiae coram synodo spoliavit la), imperiali dignitate exuit, et regno Apuliae et Siciliae privavit. Sed Fri-' dericus imperator comperta sententia non solum ad concilium magis generale adpellavit #) , sed etiam coronam capiti suo imposuit dicens, eam nec a Pontifice, nec a concilio, sed solo gladio sibi adimendam esse. Postea Petrum de Vineis Cancellarium suum, aliosque Jurisconsultos defensionem causae suae 12) Vid. Sternonis Annales apud Henricum Canisium T. II. Antiq. Lection, item Math. Faris, qui extense et diligenter acta hujus concilii recenset in Hist. Anglic, ad an. 1245. 13) Epistel. tetri de Vineis ad Matth, Faris.
