Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
434 §. 84. Monachi Cistercienses, Carthuslani. Monachi a primigenia sui instituti ratione adeo deflexerant ut periodo praecedenti, jam quamdam reformationem inter ipsos suscipere necesse fuerit, prout id (§. 52) expositum. Idem momentum hoc quoque aevo viros quosdam pietate conspicuos excitavit , ut novas monachorum familias antiquae regulae magis adhaerentes , vetusque institutum strictius observantes conderent. Ita Robertas nobili genere in Campania Gallica ortus coenobii Mo- lismensis in Burgundia abtas 51) cum cerneret a nonnullis suorum regulam S. Benedicti haud observari, rei hujus taedio captus anno 1098. cum viginti ejusdem secum zeli, et fervoris monastici sociis Cistercium se contulit, locum desertum in amplissima Burgundiáé sylva non procul Diviortuno in dioecesi Cabillonensi situm , ubi ordinem Cisterciensium fundavit. In cellis primum ligneis degebant, donec dux Burgundiáé ad intercessionem Huico- nis Archiepiscopi Lugdunensis eis monasterium aedificasset amplis fundis dotatum. Ordo hic breve intra tempus magnam Europae partem penetrans morum sanctitate, fama, et dignitate ipsi Clu- niacensium congregationi praeferebatur. Roberto, qui insequente anno amonacbis Molismensibus revocatus, et agente eodem Ar- chiepiscopo Lugdunensi reversus est, ac anno 1110. mortuus, in regimine Cisterciensium successit Albericns. Hic statuta monasterio suo talia praescripsit, in quibus ne minimum quidem regulae S. Benedicti adversum continebatur, ideoque omnem victum, et vestitum meliorem , qui in coenobiis Benedictinorum tunc jam tolerabatur, item ecclesiarum, et decimarum possessionem respuit, laborem manuum suis injungens, mulierum in monasterium , aut ecclesiam ingressum penitus sustulit, et novi ordinis sui confirmationem a Paschali II. Pontifice anno 1100. impetravit. Idem Albericns atrum quoque, aut fuscum habitum, quo utebantur in album , scapulari tamen excepto, convertisse , refertur. In hoc ordine vel ut sidus quodpiam lucebat seculo XII. S. Bernardus, 51) Vita B. Róbertig quam monachus Molismensis anonymus deduxit seculo XII. inter acta SS. mens. April. T. III. ad diem 29. ab Hen• tchenio , et Fapebrochio adjecta.
