Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
382 telligimus 1) Matrimonium damnabant, foeminis attamen cohabitabant. 2) Baptismum parvulorum, invocationem, et orationes pro defunctis illicitas esse jactitabant. 3) Asserebant ecclesiam suam esse veram illam societatem a Christo institutam. 4) Carnes lac, et cuncta ex coitu progenita non manducabant. 5j Sacerdotes nullos agnoscebant, neque ullam illis potestatem in Sacramentorum administratione competere statuebant. 6} Omnem bonorum temporalium possessionem , et usum vetabant. 7) Austeram, et rigidissimam vitam sectabantur. Honorius IF'.Pontifex anno 1286. haeresim hanc proscripsit, ejusque successor JVicalaus IV. episcopos jussit eandem severae inquisitioni subjicere. Traditio est, sectae hujus auctorem Gerardum Sega- rellum Parmae vivum in flammas conjectum, et combustum fuisse anno 1300. Siquidem teste S. Bernardo mori potius, quam converti voluerit. De his omnibus haereticis vid. Petrus Fritz in Ketzer Lexikon vocib. respectiv. #) Eudo adeo delirabat, ut ad Synodum Rhemensera cum baculo in superiori parte bifuico comparens, et interrogatus, cur bacuum hunc gestaret? responsum dederit: rem hanc plenam mysterio esse. Quamdiu enim baculus duobus capitibus , sicut nunc videtis , coelum versus aspicit, duas orbis partes Deus possidet, tertiam partem mihi relinquens. Quodsi autem superiora duo baculi capita terram versus demissa sint, et inferiorem partem, quae simplex est, erigam ita, ut coelum intueatur, tunc duabus mundi partibus mihi retentis, Deo solum tertiam partem relinquo. E quibus clarescit, quanto delirio vir hic laboraverit. §. 72. Waldenses. Gravi|fa-kir damna Religioni Christianae sub specie pietatis externae, et vitae rigidae intulerunt Waldenses, ita compellati a Petro Waldo mercatore Lugdunensi opulento, qui eos circa annum 1170. in societatem adunavit vetusto cultui infensissimam. Referunt eum ad sectam hanc condendam hoc ex incidenti inductum fuisse. Cum nempe Lugduni aliquis procerum repentina morte reliquis spectantibus obiisset, Waldus ex adstantibus unus vel maxime perterritus, fragilem hominis conditionem perpendens de emendanda vita, et majori vitae per
