Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
2 4 a' Strigoniensi subjectus et jurisdictio episcopalis ejusdem Praepositi in Archidiaconalem mutata fuisset. Vid. dissertatio Schematismo dioeceseos Nitriens. anno 1835. praefixa Part. I. pag. 90. et 102. et seq. §. io. 0 Sub S. Stephano. Stephanus defuncto patri ducis titulo quidem, sed jure pleno successit. Is ad opus sub Geisa coeptum, feliciter promovendum egregiis dotibus ut pietate, prudeutia , et moderatione instructus severitatem quidem criminum reis exhibuit, verum humanitatis nunquam oblitus est; erga hostes et inimicos suos majorem semper ac ullus sui temporis princeps benignitatem testatus justitiae amicus, injustitiae vero accerrimus ultor exstitit. Difficile quidem principatus initium habuit, nam exorta inter Hungaros et advenas maxime Germanos seditio propterea, quod Stephanus horum utpote jam sub Geisa patre officiis adplicito- rum ac magis idoueorum consiliis uteretur, item bellum civile duce Cupa Simeghiensi propter introductam novam et a gentili superstitione alienam Religionem Christi suscitatum magnas curas illi facessiverunt; donec et seditione composita, et bello contra Cupam ducem feliciter confecto, ac ipso belli civilis auctore per Vencellinum ducem in singulari pugna prostrato , reliquis vero conjurationis principibus partim caesis, partim captis, aut veniam petentibus Stephanus res sacras maxima cura complecti potuisset. Restituta pace Stephano in primis curis erat votum, quod ante bellum nuncupaverat, exsolvere, ideoque Coenobium Divo Martino in monte Pannoniae dicatum pro ordine S. Benedicti consummavit decimas ex universa provincia Simeghiensi eidem conferens. Primum coenobii montis Pannoniae abbatem Anastasium diversum fuisse ab Astrico alias Anastasio coenobii Pécsva- radiensis abbate postea ad infulas Colocenses promoto Critici ostendunt #). Uberior porro messis, quae sperabatur plures operarios exigebat; igitur e Bohemia et Germania plures evocatos fidei Christianae praecones Stephanus in novitus fundatis a se monasteriis collocavit. Ita Astrico alias Anastasio Breunoviensi abbati viro insignis virtutis et sapientiae, sociisque ejus e Bohemia venientibus in coenobio ad radicem montis ferrei, seu
