Cherrier Miklós János: Institutiones Historiae Ecclesiasticae. Tom.2. (Pestini, 1840) - 21.951b
336 essent. Demum lis inter Photium episcopum Tyri et Eustathium Berytensem propter jus metropoliticum composita, dignitate Metropolitani Photio adserta. In sessione recitata fidei definitione , et discussis aliquot difficultatibus ab Orientis episcopis contraeam excitatis, negotium tandem ita complanatum, ut fidem publicatam omnes acceptarent 62). In sessione sexta , ubi et Marcianus imperator aderat, tam legati sedis Apostolicae quam et ceteri omnes episcopi definitioni fidei priori sessione publicatae subscripserunt, qua occasione imperator etiam tria capitula a concilio confirmanda proposuit *#*). In sessione septima controversia inter Juvenalem Hierosolymitanum et .Maximum Antiochenum de provinciarum limitibus complanata est. In sessione octava Theodoretus Cyrhi episcopus sententia damnationis in Nestorium pronunciata sedi suae, ex qua per con- ciliabulum Ephesinum exclusus fuerat, restitutus est. In sessione nona et decima Iba episcopus Edessenus ad examen vocatus, isque comperta ejus vitae integritate, et fidei orthodoxia postquam anathema Nestorio dixisset, in ecclesiam suam repositus. Iu sessione undecima et duodecima lis inter Bassianum et Stephanum de jure metropolitico ; item decimatertia et deci- maquarta inter Eunomium Nicomediensem et Anastasium Nicaenum , denique inter Athasiasium et Sabinianum de eodem merito composita. In sessione decimuquinta absentibus imperii proceribus et sedis Romanae legatis plures canones juxta manuscripta Graeca triginta, juxta Latina vero vigintiocto conditi fuere. In horum ultimo episcopo Constantinopolitano attribuitur jus, et gradus honoris post Romanum, aliaeque praerogativae eidem asseruntur. De quo canone gravissima controversia enata est inter concilii patres, et sedis Romanae legatos, qui postremi in session e Decimasexta non solum urserunt, ut tolleretur canon hic, verum etiam usque ad ultimum praesentiae suae momentum eundem reprobarunt, cum tamen reliqui patres Concilii omnes canonem probarent, procerum quoque au- 26 26) Inter reliqua Symbolum hocce sic sonat: Inum eundemque Christum, Filium, Dominum, Unigenitum, in duahus naturis inconfuse, inseparabiliter agtioscendum etc. quae verba tandem post longam disceptationem etiam adversarii adoptarunt.
