Cherrier Miklós János: Institutiones Historiae Ecclesiasticae. Tom.1. (Pestini, 1840) - 21.951a
505 Catholico convocatorum ad decidenda ecclesiae universae negotia celebratus 3). Ad concilii generalis celebrationem praesertim requiritur: 1) Ut legitime convocetur. 2) Ut tot episcopi conveniant, quot necessarii sunt ad Ecclesiam Catholicam vere repraesentandam 3) ut rerum omnium pertractatio libera, talisque decisio obtineat, quae judicium ecclesiae omnino dici possit. Quodsi vero unum aut alterum ex his requisitis desit, tunc demum certi erimus, utrum pro legitimo agnoscendum sit, quum ab universa Ecclesia Catholica fuerit receptum 4). Dum pcrro concilium intra limites cujusdam dioecesis, provinciae, aut universae nationis circumscribitur particulare audit, et vel dioecesanum, vel provinciale, vel nationale nuncupatur. Concilia oecumenica in definiendis fidei morumque dogmatibus infallibilia esse, eorumque decisiones ab omnibus fidelibus cum fidei obsequio recipiendas esse Dogmatici et Canonistae evincunt 5 *). Cum enim Conciliis repraesentetur universa Ecclesia Catholica, quae de instituto Christi infallibilis est c) cumque Ecclesia eadem sit, sive dispersa, sive in concilio congregata spectetur; etiam concilia oecumenica in essentialibus religionis capitibus infallibilem habere auctoritatem, suapte sequitur. Ad concilia generalia ordinarie vocantur episcopi omnes, quibus cum positi sint a Spiritu S. regere Ecclesiam Dei 7) ex institutione divina jus de Religionis et Ecclesiae negotiis deliberandi competit. Jure tamen recentiori Cardinales etiam non episcopi, Praelati, Abbates, et Generales ordinum, qui nempe jurisdictione, quasi episcopali gaudent, ex speciali privilegio jus habent in conciliis generalibus votum decisivum ferendi. Irno et presbyteri doctrina , virtute et experientia magis conspicui eorsum vocantur, non quidem qua judices necessarii, sed qua testes fideles et consilio valentes; denique et alii omnes, quorum aut multum interest, aut alio quocunque modo concilio prodesse possunt 8). Jus conci3) Gratiani Decret. Dist. XV. c. 1. Melchior Canui Loc. theolog. p. 146. edit. Patav. Natalis Alexander H. E. secui. 3. diss. 24. 4) S. Athanasius epist. ad Episcopos Africae S. Augustin. L, 1. de baptism, c. 18. et L. VII. c. 35. 5) Uobinayer Theolog. Dogm. Tom. IV. §, 158. Fejér Instit. Theo!. Dogm. §. 89. et Nostrum Enchirid. Jur. . Ecetes. Tom. I. §. 79. cl 139. edit. 2dae 1839. 6) ibidem. 7) Actor XX. 28. 8) Eusebius II. E. L. IV. c. 37. item VII. c. 28. Cabassatius not. eccles. hist, concil. sec. I. p. 14. et scq.
