Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880
mordaci calamo in omnia late grassati fuerunt. Hinc pluribus ipsum etiam Criticae nomen exosum fecerunt, et vel ad tuta timenda ansam praebuerunt. Itaque in usu Criticae puritas intentionis, prudentia et charitas nunquam satis commendari potest. §• 20. Fontium authent ia. Criteria, quibus scriptum authenticum a supposito discernitur, alia interna, alia externa sunt. Interna, quae desumuntur ex ipso scripto , seu ex materia, de qua tractat, et modo , quo tractat, externa autem, quae non ex ipso scripto, sed aliunde petuntur. Criteria interna sunt negativa, quae tantum ostendunt, scriptum, in quo haec criteria interna desiderantur , esse suppositum , quin etiam ostendant, scriptum, in quo adsunt, esse authenticum , quia aliquis scriptum sub nomine alterius tam perite exarare potuit, ut in eo nec quoad materiam , nec quoad modum tractandi quidquam deprehendatur, quod fraudem arguat. Criteria autem externa sunt positiva, quae ostendunt, scriptum, cui conveniunt, reapse authenticum esse. Quoad criteria interna; materia, de qua. scriptum tractat, illi aetati, et auctori, cui attribuitur, convenire debet, secus suppositum est, nisi tantum corruptum esse ostendatur. Quare scriptum suppositum , aut certe corruptum est: l) In quo personae, aut res aetate auctoris, cui attribuitur, recentiores leguntur — personae recentiores — unde Quaestiones ei Re- sponsiones ad Orthodoxos perperam tribuuni 7
