Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880

5- n*

Et c o in ni c n t o r u m.

Causae coiiinieiitorum sunt:

1) Propensio ad res comminiscendas et augendas; haec plura portenta protulit, imo etiam ea, quae reapse acciderunt, aggressa est, praesertim si ea orali tantum traditione propagata fuerunt; unde saepe tales traditiones , quo magis a tempore et loco facti recesserunt, eo magis deformatae fuerunt, instar fluvii, qui quo magis a fonte recedit, eo magis peregrinis rebus miscetur ; ejusmodi commenta in primis circa eventus rariores , et personas celebriores observamus.

2) Odium, quo ducti multi contra suos inimicos et alios, quos exosos habebant, pessima quaeque confinxerunt, ut illos risui, contemptui et abominationi exponerent; hinc e. g. tot figmenta sectariorum , aliorumque petulantium et malevolorum hominum contra Romanos Pontifices, Ecclesiasticos , Religiosos.

3) Studium gloriae, quam quis seu sibi, seu nationi, seu Ecclesiae suae conciliare desiderat, hinc e. g. profluxerunt plura commenta circa conversiones nationum et fundationes Ecclesiarum per Apostolos et Viros Apostolicos.

§• 15.

Praesertim in Traditionibus piis.

Commenta maxime in Traditiones pias irrepserunt. Causae sequentes sunt:

l) Ignorantia, a) hinc imbecillitas judicii, credulitas, b) et superstitio, qua quis nunquam satis se credere posse existimat ; universe homines rudes ad res mirabiles valde proii