Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880

IV

adposui. Ea genuina esse eruditus Lector, si examen eorum instituerit9 ultro deprehendet. Alios etiam Scriptores, antiquiores et recentiores, qui ad fontes noscendos et intelligendos deserviunt, ac novos rerum obtutus, observationes, systemata suppeditant, sedulo consului. Nec opera adversariorum neglexi, vestigiis insistens SS. Patrum, qui ex ipsis adeo Gentilibus proficientes veluti Aegyptum spoliarunt, et detractas ei opes ad Tabernaculum veri J)ei ornandum transtulerunt. Libros a me nominatos., paucissimis demptis, quos indicabo, vidi, et in rem meam converti. Praesidia praeter Bibliothecas Pesthinenses ex Bibliotheca Caesarea et Universitatis Viennensis desumpsi.

Summa mihi lex fuit, veritatem sollicite quaerere , quando latet, et constanter asserere, quando patet. Calamum meum, soli tantum veritati sacratum, nulla usquam prava animi adfeciio rexit. Illud animo alte insedit: Historicum ex alta veluti arce mortalia speculari, ad cujus sublimem locum humi serpentes ad- fectus accedere non debeant.