Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880

V

Sicubi, antiquitatem scrutanti, tamquam caligo coelo offusa eripuit diem, id quoque fateor. Ignorare non pudet, ubi scire non licet. In dubiis autem rebus nunquam mihi excidit: esse, de quibus eruditius sit ambigere, quam pronunciare.

Non me latet, Historiam Ecclesiasticam esse, ceu mare tempestatibus expositum, et scopulis, penes quos prona sunt naufragia, plenum. In hoc ergo mari ritu Laertii Herois aures contra cantus Sirenum obturantis navigandum, et felicia eorum, qui haec Acroceraunia salvis ratibus praetervecti sunt, exempla aemulanda in animum induxi.

Cum illud S. Augustini De Trinität* /. 2. in Prooemio me erigat: „Nullus — reprehensor formidandus est amatori v eritatis. Etenim aut inimicus reprehensurus est, aut amicus: si ergo inimicus insultat, ferendus est: amicus autem, si errat, docendus, si docet, audiendus,44 laboris mei conscius nullam prorsus crisim pertimesco. Si quis generatim opus meum reprehenderit, illuni minime audiam. Si quis contra speciatim naevum