Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880

272

postmodum enim Constantinus ]VT. post diuturnas persecutiones pacem Ecclesiae reddidit, et liberum Religionis Christianae exercitium concessit.

2da a memorata victoria Constantini M. usque ad instaurationem Imperii Occidentalis a Carolo M. factam , seu ad a. 800. hanc enim epocham grandes eventus secuti fuerunt, uti conatus Caroli M. pro Religione, et litteris, Schisma Graecorum, Scholasticismus, et alia.

3tia ab instauratione Imperii Occidentalis usque ad praetensam reformationem a Luthero factam, seu ad a. 1517. haec enim reformatio in rebus politicis, religiosis et litterariis magnis mutationibus occasionem praebuit.

4ta denique a praetensa reformatione usque ad nostra tempora.

In ipsis quoque Periodis certus ordo servari debet, nos sequentem tenebimus:

1) Cum ex statu civili et litterario populorum plurima in Religionem et Ecclesiam Christianam aut emolumenta , aut damna omni tempore redundaverint, quaedam de his praemittimus , quatenus ea cum Religione et Ecclesia Christianá nexum habent, et rebus in Ecclesia gestis lumen adfundunt.

2) Ecclesiam generation, ut societatem , consideramus , ejus fundationem , et propagationem , seu fata prospera, dein autem fata adversa enarramus.

3) interiorem hujus societatis constitutionem, quorsum doctrina, regimen, disciplina, ritus , et societates religiosae pertinent.

1) internas in hac societate revolutiones, uti controversias, haereses et schismata.

5) Praesidia hujus societatis, uti Concilia et Scriptores, denique