Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880

I

est. Pari ratione in Ecclesia Christi ad veritates religionis significandas varii ritus instituti sunt, ut earum memoria tanto magis conservaretur. Singularis Dei providentia circa Ecclesiam adoranda est, quod fidem, altissimorum etiam mysteriorum, cum operibus, consvetudinibus et caeremoniis externis intime connexam esse voluerit, ne vel simplicissimi fidelium ea, veluti quodammodo sensibus subjecta ignorare, aut oblivisci possent. Apposite ad rem Fleuri T. 14. Diss. 3. 23. ait: „sunt (Caeremoniae) subsidium non leve, quo Deus veram Religionem per omnia tempora propagari et custodiri voluit, quia, ut nos S. Scriptura docet (Deut. 6, 2U et [].) sensibilia fidei testimonia sunt. Festorum Natalis Domini et Resurrectionis solemnitas in perpetuum homines , etiam rudissimos , admonebunt, desum Christum pro salute nostra natum, mortuum et a mortuis resurrexisse. Dum Christiani in nomine Patris , et Filii, et Spiritus S. baptizabunt, fidem Trinitatis confitebuntur, dumque Missa celebrabitur, publicum testimonium pro veritate Eucharistiae dabitur.u

3) Scriptores, qui considerantur , vel ut fontes, vel ut subsidia, fontes, uti, qui res aut a se, aut coram se, aut suo, vel vicino tempore gestas referunt, subsidia autem , qui suam relationem ex aliis fontibus accipiunt. Ceterum et hi instar fontium sunt in iis, quae cx fontibus hauserunt, si fontes ipsi aut perditi sunt, aut accedi nequeunt. Sic Eusebius fons est in pluribus quoad prima secula.

4) Ephemerides Ecclesiasticae, politicae et litterariae.

5) Traditio, seu propagatio eventus ad posteros tantum per solam famam , et sermones hominum, licet tardius in scriptum referatur. Tales traditiones circa vitas sanctorum , miracula, reliquias et similia specialim Traditiones piae appellantur.

28