Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880
210 Bibliotheca Vaticana, impressis, et manuscri- ptis Historiae Ecclesiasticae fontibus abundan- tissima, illi praesidia subministravit, ex qua etiam plurima monumenta in lucem protulit. V. Baronii Dedicationem ad Sixtum 5tum, et de Baronio Annál. Eccles. T. 1. ab initio. Baronii gratiarum actionem ad Philippum Nerium jam mortuum Annál. Eccles. T. 8. ab initio , Hieron. Barnabeum in Purpura sancta, seit vita Purpurati S. II. E. Principis Caesaris Baronii. Bollandistas in Actis SS. Maji T. 5. in vita 2da S. Philippi Nerii. Possevinum in Apparatu Sacro — ordine alphabetico — Allheit. Miraeum de Scriptoribus seculi limi, c. 163. Du Pin Biblioth. des Auteurs Eccles. du dix — septieme Siecle. Annales Baronii summum, etiam ab ipsis heterodoxis agnitum, pretium habent. Et merito auctor tam memorabilis operis Annalium Ecclesiasticorum parens appellatur. At nec naevis caret. In hoc procelloso mari facili^ sunt naufragia et in opere longo fas est obrepere somnum. Baronius quodammodo viam sibi primus complanavit. Nihil in ortu perfectum. Iniquum foret, eum ex nostrorum temporum luce, utpote tardius orta, et tot doctissimorum, qui postea vixerunt, virorum sudoribus parta, metiri. In Baronio sequentes potissimum naevi notantur l) Historiam in annos distribuit, unde fit, ut narratio eventuum, aliis interpositis, perpetuo interrumpatur, facta in minutas partes scindantur et sic, utpote sibi haud cohaerentia, sine delectatione legantur, nec memoria firmiter teneantur; 2) ex defectu sufficientis Criticae plura scripta supposita pro genuinis, corrupta pro integris usurpat, in
