Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880
230 Seculo 9no : Haymo monachus Fuldensis, dein Abbas Ilirsfeldensis Ord. S. Bened. et demum Episcopus Halberstadiensis. Trithem. De Scriptoribus Ecclesiasticis c. 257. Scripsit Libros 10 Historiae Ecclesiasticae, sive de rerum Christianarum memoria. Sua quidem potissimum ex Rufino hausit, ita nihilominus scripsit, ut tale opus ab ea aetate vix exspectari potuerit. Optima editio cura Joachimi Johannis Maderi prodivit Helmstadii a. 1671. in 4. Anastasius Bibliothecarius Ecclesiae Romanae — Trithem. De Scriptoribus Ecclesiasticis c. 276. Scripsit Historiam Ecclesiasticam , sive Chronograph ia ne tripartitam , quae ex Nicephori Patriarchae Constantinopolitani, Georgii Syncelli, et Theophanis Chronicis maximam partem desumpta nec suis bonis caret, nec malis, item Historiam de vitis Romanorum Pontificum — utrumque opus studio Ca- roli Annibalis Fabroti J. C. prodivit, et etiam inter Scriptores Byzantinos invenitur. Seculo 12mo : Ordericus Vitalis monachus Uticensis in Normannia. Scripsit Libros 13 Historiae Ecclesiasticae , qui inter Scriptores Historiae Normannorum antiquos ab Andrea Duchesnio Parisiis a. 1619 editos reperiuntur. Quamvis hoc opus a methodo et ordine commendari nequeat, et plures errores chronologicos habeat, tamen suo pretio haud destituitur, tum propter sinceritatem auctoris, tum propter copiam factorum, quae alibi, saltem tam plene narrata, non deprehenduntur, a) a) Huc pertinent Chronica , Annales, et alia opera historica medio aevo exarata, in quibus res Ecclesiasticae profanis mixtae continentur. Haec facilius in
