Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880

1G4

3) ad veras Chronologorum contradictiones et errores detegendos; si enim dicta methodo annum ab aliquo Chronologo adstructum ad P. J. reducamus, et intervallum ab hoc ad ae. v. interjectum excerpamus, confestim , si quid peccatum fuit, apparebit. In exemplo: Torniellus in Annalibus Sacris initium 01) m- piadum ponit in anno mundi 3278, idem porro /. c. ab orbe condito usque ad initium ae. v. numerat annos 4050, igitur juxta dicta 4713 — 4050 = 663 H- 3278 =3941 , adeoque Torniellus triennio aberravit.

4) ad varias annorum formas interse comparandas ; sicut enim supra vidimus, diversi diversa anni exordia statuerunt. Praeterea etiam Imperatorum et Regum initia in diversas anni partes incidunt, adeoque anni principatus eorum a variis terminis putantur. TIaec omnia maximam perturbationem , nuspiam proniore lapsu, pariunt, dum quis diversos adeo annos et varia Principum initia inter se comparare, et ad annos v. g. Julianos a Cal. Jan. ineuntes reducere conatur. Ex bis vero salebris cunctantem Chronologum Periodus Juliana, miro quodam compendio educit. Nec in comparatione annorum errare sinit; nam eosdem annos esse oportet, quibus eosdem Cyclos assignat*

5) ad memoriam sublevandam; nimirum si praecipuarum quarundam Epocharum annos memoria teneamus, uti Imum annum Olym- piadum , qui est annus P. J. 3938 , Imiim U. C* qui est annus P. J. 3961, Imum ae. v. qui est annus P. J. 4714, reliquos Historiarum annos, quorum ad aliquem ex illis cardinibus intervalla cognoscimus, facili additione, aut subtractione in quacunque demum Chronologia, modo sibi consentanea, invenire poterimus,