Kelemen Imre: Institutiones juris privati Hungarici... Liber 1. De personis (Pestini, 1814) - 10.407a

IV

dubium revocet. Leges nervi illi salutares sunt, quibus vires ac voluntates Civium ad procurandam communem salutem, prosperitatemque colligantur, his velut firmissimis columnis quaelibet Civitas nititur; his internam non minus consequitur felicitatem, quam externam conservat securitatem, existimationem, et gloriam. Novistis quippe ipsi perbene Sanctos Indigetes Stephanum, ac Ladislaum, aliosque gloriosissimos juxta ac piissimos Reges, qui Patriae nostrae felicius moderati sunt, ipsam Sanctam Religionem, coeleste illud temporalis, ac aeternae felicitatis pignus, non modo apostolico zelo, et exemplis fundavisse, sed et legibus adversum praevaricatores firmavisse. Novistis mutua Summorum Principum ac Subditorum , Civium item inter se, omnium denique in Patriam et Statum publicum officia salu