Frank Ignác: Specimen elaborandarum institutionum juris civilis Hungarici continens: I. Praecognita II. Doctrinam de donatione regia (Cassoviae, 1823) - 10.393

CAPUT I.

NOTIO JURIS CIVILIS HUNGARICI.

§ iNotio juris generatim.

In iis, quae ad statum, et perfectionem societatis humanae spectant, principem locum tenet juris scientia. Est autem jus, objective sumtura, norma (regendae tuendaeque) mutuae hominum libertatis externae.

1. Aliis verbis: jus est regula socialis vitae hominum; i. e. recta ratio pugnantia hominum studia conciliandi. Designantur autem juris vocabulo normae libertatis externae tam singulae, quam collectae.

2. Alia est significatio juris, quatenus illud personae tribuitur. Hoc enim, subjectivo, sensu acceptum jus est facultas agendi derivata ex generalibus normis vitae socialis. Aliis verbis: jus est facultas aliorum hominum externam libertatem restringendi, ea- tenus personae alicui competens, quod idea vel instituta socialis vitaa non repugnent.