Frank Ignác: Specimen elaborandarum institutionum juris civilis Hungarici continens: I. Praecognita II. Doctrinam de donatione regia (Cassoviae, 1823) - 10.393
.... 66 ...... Quod autem nonnulli adferunt, nihil interessé, an legis lator voluntatem suam verbis declaret, an factis, istud si verum esset, in Democratia solum valere posset, ubi omnis legum ferendarum potestas penes populum est; non etiam in Monarchia velAristo- cratia, ubi imperans a populo diversus, et populus vel nullam, vel saltim divisam in leges potestatem tenet. Sed etiam in Democratia res aliter se habet; nam et hic populus solum in comitiis legitime congregatus leges jubere potest; singulorum autem contraria legibus facta, natura sua, illegitima sunt, ex quibus justa consuetudo oriri nequit, exulante et occasione et causa ejus introducendae. Et. quod supra dictum est, juris privati normas absque injuria singulorum violari non posse, id etiam in Democratia verum est, idque ipsum tacitam populi consensionem, sine qua consuetudo non est, excludit. 4. Alia quaestio est, utrum usus praesens legi vetustae praevaleat, necne? Et respondemus sub distinctione: Nam, si de fonte usus contrarii constet, ejusmodi mutationem ex sua natura dijudicare oportet: si mutationem lex adtulit, eadem standum est, quia lex posterior derogat priori; sed si privatorum vel judicum arbitrio , ergo per abusum, lex postposita fuit, quod quidem integro reipublicae statu vix aliquando continget, tunc, non obstante diuturnitate temporis, legum auctoritas tuenda, et, qualecunque, illegale arbitrium detestandum, eradi- candumque erit c). Si autem usus immemorialis, et ej Hoc fundamento innititur e. g, Dec. 18. pign. ex comit. Idemque innuit 1715, 15. §, 1. in verbis .• „non obstante
