Frank Ignác: Specimen elaborandarum institutionum juris civilis Hungarici continens: I. Praecognita II. Doctrinam de donatione regia (Cassoviae, 1823) - 10.393
cium est, mentem legis ex singulorum vocabulorum significatu, totiusque sermonis nexu, secundum Grammaticae praecepta, explicare. Ex pluribus vero significatus ille caeteris praestat, quem verba tempore scriptae legis vulgo habuerunt, nisi forsitan, auctori propria, peculiaris loquendi ratio aliunde posset demonstrari. §. 27f. Regulae logicae interpr. Logica interpretatio, ubi necessaria est, admitti, sed tamen grammaticae postponi debet; neque aliunde, quam ex certe cognito legis scopo , vel ex manifesta ratione juris desumi potest. 1. Ubi grammatica interpretatio mentem legis in aprico ponit, eadem standum est, neque rationes legis clarae inquirere oportet •, alioquin multa ex his, quae certa sunt, subvertuntur; nec enim omnium, quae a majoribus constituta sunt, ratio reddi potest. 2. Sed ubi verba legis vel absonum sensum praebent, vel diversis sententiis aeque conveniunt, adeo- que grammatica interpretatio voluntatem legis in dubio relinquit; tum demum logicae conclusiones subvenire debent; siquidem nec absona, nec inconstans et multiplex intentio legis stare possit. Neque dubium est in legem committere eum, qui, verba legis amplexus, contra legis nititur voluntatem. 3- Attamen magna cautione opus est, ut et rationes legis, quae praemittuntur, idoneae, certaeque sint; et illationes, quae fiunt, legitime consequantur. ...... 55 ......
