Frank Ignác: Specimen elaborandarum institutionum juris civilis Hungarici continens: I. Praecognita II. Doctrinam de donatione regia (Cassoviae, 1823) - 10.393
...... 39 ..... que prelo liberatum opus erat, cum avide mox arripi, ac velut certissimum condiscendi juris praesidium, omnium manibus teri coepit; effectumque brevi est, ut jam in foro tum disputandarum, tum decidendarum litium ex eodem argumenta peterentur. Neque mirum; siquidem illo tempore neque regum decreta in unum volumen redacta exstabant, neque aliud domestici juris compendium suppetebat. Simili fortuna jam antea Gratianus et Glossatores auctoritatem fori consecuti erant. 3. Auctoritas. Tripartito nostro lex quoque suffragata fuisse videtur. Sic enim habet decretum Bá- chiense 15187 art. 42: „Causae — de caetero secundum jura regni scripta, ad universos Comitatus jam destinata, semper adjudicentur, resque universae discutiantur”. Similiter disponit art. 29. decreti Báchi- ensis anni 1519. — Si ostendi posset, decreta haec genuina, et perfecta, citatosque articulos non modo de Tripartito intelligendos, sed etiam effectum reipsa sortitos esse: tum profecto juris scripti quoque dignitas eidem deberet adtribui. Sed nihil horum, quae diximus, plene probatum est; et quia nullum Tripartiti authenticum exemplar exstat, verisimile fit, effe- ciu saltim provocatas leges caruisse. Atque ideo auctoritatem fori, qua opus Werbőczianum, a tribus inde seculis, in patria nostra fruitur, tantum ex q- tentium consensu, a consuetudine possumus derivare. Iu ipsis quidem decretis comitialibus non rarae „Decreti Tripartiti” provocationes fiunt g); sed inde nihil aliud, quam vulgaris operis usus, inferri potest.
