Jordánszky Elek: De haeresi abjuranda quid statuat Ecclesia Catholica? …Programma disquiritur et Sacrae Synodo Nationali Posoniensi humili devotione substernitur (Strigonia, 1822) - 10.229

204

De Psevdosymbolo, quod turbulentissimis Hungáriáé et Germaniae temporibus malevole compilatum fuit, disputavimus plus quam satis. Ignoscite, si duriuscula quaepiam resuscitare oportuit. Vos me coegistis. Neque enim glaucoma, quo tenebantur oculi vestri, decerpi lenissime potuit; decerpi autem debebat tum vestra gratia, tum nostri causa: aliter nec vos errorem agnoscere, neque nos refellere poteramus. Agnoscite igitur errasse vos , atque in errorem ductos fuisse a Wachle- ro, Böhmero, Reisero, praecipueque a Bar- tholomaei vestris.

Non est illa formula, quam critice discussimus , consarcinata a Jesuitis , neque in Hungária: non est illa Confessio Catholica, non est Evangelicis unquam publice praescripta aut proposita seu in Hungária, sive uspiam alibi: prout istud vobis inscriptio in actis historico-ecclesiasticis Vi- nariensibus an. 1738. praefixa persuaserat.

Articulos illos ad conflandam collegis conversis invidiam, sibi vero gratiam et gloriam , Ministri Protestantes , Augustae Domui Austriacae infideles , ac eamobrem ex Hungária exulare compulsi, consarcinarunt ex male detortis Catholicorum placitis, praesertim autem experperam intellectis libris Jesuitarum, penes quos illa aetate autho-