Mollik Tóbiás: Dissertatio de divina auctoritate deutero-canonicorum utriusque testamenti librorum ac partium (Jaurini (Győr), 1819) - 10.189
pro Divinitus inspiratis agniti. Alioqui prius est* eos agnosci ut Divinitus inspiratos quam referri in Canoncm. Bina ea sunt proin distincta. g. Sane si Esdras , út non pauci ariolantur , sacrorum Judaeis Librorum catalogum primus edidit, totique populo tradidit; utique longe ante ac citra omnem catalogum (vulgo Canonem) Judaei Libros, velut Divinitus inspiratos venerati sunt quam plurimos. Ipseque Esdras , catalogum constructurus , non poterat scrutari: quinam Libri fuerint jam in S. Catalogo seu Canone ; verum quinam a Moyse usque ad sua tempora , fuerint aut jam suscepti aut suscipiendi ut Divinitus inspirati. Neque Deuteroca- nonici N. T. Libri tunc primum caeperunt Divinitus inspirati ab Ecclesiis credi, quando et in Canonem illarum referri; sed potius ideo sunt tandem canonis catalogis inserti; (juia a suo ortu usque, tamquam Divinitus inspirati, sufficiente Ecclesiarum testimonio sensim magis eliquato, ut ait Aug. fuere traditi. Prophetie item atque Apostoli credentibus tradiderunt notitiam Librorum Divinitus inspiratorum ; quin ullos horum ediderint catalagos. De illa itaque notitia, per Apostolos fidelibus tradita, est principaliter in praesenti quaerendum; ac deinceps solum de constructis serius catalogis ac numericis recensionibus, seu indicibus est agendum. IO. Librorum Divinitus inspiratorum notitia originaliter tradita fuit vel ab ipsis S. Scriptoribus, vel ab aliis thaumaturgis viris: prout in Synagoga fuere Moyses, Josue, Samuel caeterique Prophetae, quos continua prope serie Deus Judaeis olim suscitaverat. Iis dein in Synagoga deficientibus, etsi multa fuerint libris consignata, non tamen iis, ac prioribus (per Prophetas approbatis) habita est fides, quod non continua fuerit successio Prophetarum : ita testatur optime conscius Judaicorum Sacrorum Josephus Sacerdos hebrseus Z. i. cont. Apionem C. 8. Nec dubitaverant porro Judaei cumque his Josephus , ho3 quoque posterius conscriptos libros esse sancte scriptos seu hagiographos; cum exspe8
