Mollik Tóbiás: Dissertatio de divina auctoritate deutero-canonicorum utriusque testamenti librorum ac partium (Jaurini (Győr), 1819) - 10.189
2>6iA se in illa Chananaeorum urbe scholam, in qua peri-, ti enarrabant, recensebantque auditoribus patrias leges et artes. Sed has scimus, etiam ante repertos scriptorios apices traditas fuisse tam verbo quam memorialibus quibusdam notis, quas nonnulli discernunt in Scripturam symbolicam , hier oglyphic am y et syllabicam. Ac porro etiamsi Cariath-sepher secundum praemissam derivationem significaret urbem libri; nisi tamen probetur, eum librum exaratum fuisse notis scriptoriis et non potius ante has in usu positis; denominatio urbis libri parum suffragatur asserentibus , Moysem e praeexistentibus litterarii characteris libris suam contexuisse Genesim. Etiam 72 Interpretes et Vulgata non aliarum designare voluerunt civitatem litterarum, quám Josue aevo a Chananaeis tradi scribique solitarum. At edoceat Cl, Vir, qualesnam fuerint eae litterae et scriptura, an- non forte symbolica — vel Mosaicce simia. n. 557, item qualisnam fuerit ille liber singularis, a quo nomen accepit urbs libri; Cariath-sepher namque in numero est singulari , unum designans librum vel epifiolam , non plures. 554. Allegat Cl. Vir in cit. Archaeologia Aegyptiorum et Babyloniorum antiquitates ; sed Babylonicas ipsémét illico evertit: de aegyptiis vero dicetur n, 561. Alioquin peritus quisque ridet Annales, calculos fabulasque Chaldaeorum , Aegyptiorum , Chi- nensiumque, in multa annorum millia ascendentium. Ex his porro non evincet exstitisse priores Moyse scriptores, suosque fragmentiftas. Neque ex Plinio id evincet, qui litteras statuit esse aeternas. 555. Producit dein inscriptiones Amicleat et tabularum Eugubinarum, ex aetate ante bellum Trojanum descendentes. De tanta quidem utrarumque illarum aetate dubitant nonnulli ; verum cum Moyses bello (secundum conplures figmento) illo sit 4. saeculis prior; quonam vehiculo Vir CJ. provehet tabulas illas ultra Moysis aevum. Forsan id efficere volet adjutorio historiae profanae, ultra vel ad Moysis aevum pertingentis ? At receptus ab historicis Ca«
