Mollik Tóbiás: Dissertatio de divina auctoritate deutero-canonicorum utriusque testamenti librorum ac partium (Jaurini (Győr), 1819) - 10.189
Romas perque Italiam , a S. Petro latinam fuisse institutam , eruditi S. Liturgiarum Tractatores minime ambigunt. 334. Eandem admixtionem testantur etiam veterum latinorum S. Codicum , atque ex his olim factarum in Europaeas linguas versionum reliquiae. Etsi enim istae pleraeque a prisco aevo non parum mutilae solum supersint, perhibent nihilominus priscos Vulgatae codices atque ex ea factas versiones , mixto ordine, nulloque facto discrimine exhibuisse Libros proto- ac deutero-canonicos. Caeteroquin posteriores codices , qui nobis e Christianorum saeculorum me* dio supersunt, repraesentant priores, e quibus versi aut descripti sunt, et hi iterum se priores referunt; ut extremi repraesentent primitivos inque his contentos promiscue proto- ac deuterocanonico3 Libros. 335. Codices item in Ecclesiarum usibus habiti, neutiquam testantur privatum aliquorum sed communem Ecclesiarum sensum fidemque. E cunctis igitur, quae de versioné Itala caeterisque diximus, manifestum fit, Latinas Ecclesias non agnovisse auctoritatis discrimen internum inter Libros serius dictos proto - ac deuterocanonicos. Sectis enim nunquam passae fuissent Divinos Libros cum humanis promiscue confundi, seu nunquam passae fuissent, Libros deuterocanonicos nullo discrimine adnotato interseri proto- canonicis ; si istos solum Divinos, illos mere humanos fetus esse credidissent. Unde solis novissimorum temporum novatoribus relictus fuit ausus, Libros deuterocanonicos e protocanonicorum serie extrahendi , ab his secernendi, atque vel prorsus repudiandi, aut nonnisi S. Bibliorum calci adsternendi : prout extremum istud fieri statuit Sjnocus Calviniana, Dor- draci A. 1618. habita 336. Latinae Ecclesiae codicum consensui vane objiciunt acatholici graecos , Sy riacos , Arabicosque codices. Vetustissimi namque grasci Codices non pauci, etsi plerumque manci , manifeste docent, in ipsis quoque proto - ac deutero-canonicos Libros fuisse promiscue intersertos. Eos exhibent Veterum co*49
