Mollik Tóbiás: Dissertatio de divina auctoritate deutero-canonicorum utriusque testamenti librorum ac partium (Jaurini (Győr), 1819) - 10.189
US quippe caeteris protocanonicis , ita prosequitur : Proverbia , Sapientia, Ecclesiasticus , Ecclesiastes, Canticum — Job, Tobias , Esther , Judith , Edra> 2. Machabtei 2. Pariterque procedit in recensendis promiscue Libris N. T. proto - ac deuterocanonicis. 332. E promiscua hac primtevaque proto- et deutero - canonicorum Librorum coordinatione palam est, primos versionis Italae descriptores et codicum coordinators coaevosque Ecclesiarum Episcopos, quorum nutu ductuque ea fieri oportebat, minime novisse discrimen istud inter libros proto - ac deutero- Canonicos; ut istos humano solum ingenio, pro- tocanonicos autem Divina inspiratione conscriptos crederent. Secus certe incautissima , ne dicam profanans , fuisset illa Librorum deuterocanonicorum cum protocanonicis permixtio ac confusio. Nec unquam passae fuissent primitivae illae Apostolicae Ecclesiae Libros Divinitus inspiratos permisceri cum his , quos humana solum arte exaratos fuisse , ab Apostolis didicissent, n. 14. etc. Unde simul patet, Apostolos Libros V. T. deuterocanonicos caetibus fidelibusque , apud quos repererunt illos, commendasse velut Divinitus inspiratos parisque cum protocanonicis auctoritatis, n. i5 — 6. In istis itaque Ecclesiis Libri illi a principio usque fuerunt canonici seu prorocanonici. n. 8. 333. IUi, primitivarum latinarum Ecclesiarum fidei ac facto nihil adimere valet posterior paucorum dubitatio; quod enim prius, Apostolorumque institutioni propinquius, id verius. Nec juvat praetendere, Libros deuterocanonicos posterius fuisse versionis Italae codicibus insertos. Si enim posteriore solum tempore fuissent adjecti , fuissent etiam posteriore omnibus loco descripti, nec prioribus interserti. Sane eo minus fuissent Divinis Libris intermixti, nisi pariter Divini esse crederentur; quo posterius fuissent in Italae versionis codices relati. Eam itaque admixtio^ nem cum Cassiodorus in vetustissimis codicibus deprehenderit; illa fieri ciepta est sub ipsis Apostolis eorumque discipulis prseprimis proS. Liturgia, quam
