Bajzik János Keresztély: Compendium Corporis Juris Canonici, exhibens summam canonum, constitutionum, et decretorum modernis temporum circumstantiis accomodatam (Pestini, 1836) - 10.057
fidelibus viris, Christianam sequantur religionem , non judaicam superstitionem. Can. 10. Caus. 28. Quaest. 1. Judaeorum filios, vel filias, ne parentum ultra involventur erroribus, ab eorum consortio separari decernimus, deputatos aut monasteriis, aut Christianis viris , aut mulieribus Deum timentibus , ut sub eorum conversatione cultum fidei discant. Can. II. Caus. 28. Quaest. 1. Nulla ultra communio sit Hebraeis ad fidem Christianam translatis, cum his, qui adhuc in veteri ritu consistunt: ne subvertantur j ergo ba- ptizati Christianis donentur, et illi publicis caedibus deputentur. Can. 12. Caus. 28. Qu. 1. Nullus eorum, qui in sacro sunt ordine, aut Laicus azyma Judaeorum manducet, aut cum eis habitet, aut aliquem eorum in infirmitatibus suis vocet, aut medicinam ab eis percipiat, aut cum eis in balneo lavet. Can. 13. Caus. 28. Quaest. i. Omnes deinceps clerici, sive Laici Judaeorum consortia evitent, nec eos ad convivium quisquam accipiat. Can. 14. Caus. 28. Quaest. 1. Non oportet cum hominibus haereticis miscere connubia, et vel filios, vel filias dare, sed potius accipere, si tamen se profiteantur Christianos esse futuros, et Catholicos. Can. 16. Caus. 28. Quaest 1. Si quis habuerit uxorem virginem ante baptismum, vivente illa post baptismum alteram habere non potest, crimina enim in baptismo solvuntur, non conjugia. Can. 1. Caus. 28. Qu. 2. Si infidelis discedit odio Christianae fidei, discedat. Non enim frater, aut soror subiectus est servituti inhuiusmodi. Can. 2. Caus. 28. Qu. 2. ( 69 )
