Bajzik János Keresztély: Compendium Corporis Juris Canonici, exhibens summam canonum, constitutionum, et decretorum modernis temporum circumstantiis accomodatam (Pestini, 1836) - 10.057

Idcirco et nos sequentes Patrum vestigia, pro salvatione servorum Dei, quascunque ad accusationem personas leges publicae non admittunt, his impugnandi alterum, et nos licentiam submovemus, et nullae accusationes a Judicibus audiantur ecclesiasticis, quae legibus seculi prohibentur. Can. 5. Caus. 3. Qu. 5.

Omnes infames, cunctosque suspectos, vel inimicos, et eos, qui non sunt eorum gentis, vel quorum fides, vita, et libertas nescitur, qui non sunt bonae conversationis, vel quorum vita est accusabilis, ab omni accusatione funditus submovemus. Can. 6. Caus 3 Qu. 5.

Indignum est superiores pati ab inferioribus, quae inferiores ab eis pati despiciunt. Can. 7. Caus. 3. Qu. 5.

Nullus alienigena, aut accusator fiat eorum (Clericorum) aut judex. — Accusator nostrorum nullus sit servus, aut libertus, nullaque suspecta persona, aut infamis. Can. 8. Caus. 3 Qu. 5.

Homicidae, malefici, fures, sacrilegi, raptores, adulteri, incesti, venefici, suspecti, criminosi, domestici, periuri, et qui raptum fecerunt, vel falsum testimonium dixerunt, similesque eorum nullatenus ad accusationem, vel ad testimonium sint admittendi. Can. 9. Caus. 3. Quaest. 5.

Accusatores, vel testes suspecti non recipiantur, nec familiares, vel de domo prodeuntes, nec etiam consangvinei accusatoris, adversus extraneos testimonium dicant, quia propingvita- tis , et familiaritatis, ac dominationis affectio veritatem impedire solet. Can. 12. Caus. 3. Qu. 5.

( 34 )