Folia Canonica 5. (2002)
NEWS IN BRIEF - Congregatio de Institutione Catholica, decr. Novo Codice
236 CONGREGATIO DE INSTITUTIONE CATHOLICA 3° in tertio cyclo: a) latinitas canonica; b) cursus speciales vel exercitationes ab unaquaque Facultate praescripta. III. Art. 57 Ordinationum § 1. Qui curriculum philosophico-theologicum in Seminario vel in Facultate theologica absolverit, directe ad secundum cyclum admitti potest, nisi necessarium aut opportunum appareat aliquem cursum praevium linguae latinae vel institutionum generalium iuris canonici exigere. Qui aliquibus disciplinis priori cycli in apta Facultate vel Instituto universitario se iam rite studuisse comprobaverit, ab iisdem dispensari potest. § 2. Qui gradum academicum in iure civili iam consecutus est, ab aliquibus cursibus secundi cycli (ut iure romano et iure civili) dispensari potest quin a triennio ad Licentiam eximatur. § 3. Ad finem secundi cycli studentes linguam latinam ita cognoscant ut Codicem luris Canonici et Codicem Canonum Ecclesiarum Orientalium et alia documenta canonica bene intellegant; in tertio autem cyclo fontes iuris canonici rite interpretari possint. Quae hoc decretum statuit de Facultatibus luris Canonici valent quoque de Institutis luris Canonici ab hac Congregatione erectis, vel ad. normam art. 62-63 Constitutionis Apostolicae Sapientia Christiana cum aliqua Facultate luris Canonici conexis. Hoc decretum vigere incipiet pro cuiusque regionis moribus initio anni academici 20032004. Quae hoc decreto statuuntur, Summus Pontifex Ioannes Paulus II, in Audientia infrascripto Cardinali Praefecto die II mensis Septembris a. D. MMII concessa, rata habuit et confirmavit, innovatum articulum 76 Constitutionis Apostolicae “Sapientia Christiana” in forma specifica approbavit, contrariis quibuslibet non obstantibus, atque publici iuris fieri iussit. Datum Romae, ex aedibus eiusdem Congregationis, die II mensis Septembris, a. D. MMII. * Zenon Card. Grocholewski PRAEFECTUS * * Josephus Pittau S.J. A SECRETIS
