Circulares litterae dioecesanae anno 1938 ad clerum archidioecesis strigoniensis dimissae

VII.

VII.

Dal Vaticano, die 25. Junii 1938.

E.mo ac Rev.mo Domino Domino Cardinali Justiniano Serédi Archiepiscopo Strigoniensi Strigonium.

E.me ac Rev.me Domine Mi Obs.me,

Beatissimus Pater, qui Eucharisticas Bu- dapestenses celebrationes diligenter amanter- que persecutus est, illinc conceptis gaudiis . denuo perfruitus est, recentes tuas perlegens litteras. Tuo enim scripto Sanctitati Suae de peractis festis multa referebas digna scitu audituque iucunda.

Quapropter Augustus Pontifex omnipotenti ac benignissimo Deo multas tecum solvit grates, qui aperto providentiae favore effecit, ut celebrata sollemnia decore essent splendida et bonorum fructuum segete uberrima. Tot namque inter adversa, quibus nunc catholicum nomen altligitur, ea sane fuerunt communis causa laetitiae, solidae fiduciae firmamentum, certae pignus victoriae, validum religionis ac pietatis incitamentum.

Fides, quam Sanctus Stephanus Rex Hungaris dedit, tanto tunc iubare eluxit, ut advenis, qui undique Budapestinum ad venerandum Eucharistiae Sacramentum confluxerunt, admirationem noveret et gratam linqueret spectati exempli nemoriam.

Hac de re Sanctitas Sua dignum tribuit vobis praeconium, qui Redemptori sub eucharistico velamine delitescenti nec laboribus nec sumptibus parcentes magnum comparastis triumphum.

Decet quidquid boni et salutaris ex Eucharistico Conventu fauste profectum est, non delabi, sed perstare et maturitatem assequi. Tunc Servator noster Jesus Christus imperat nobis, cum, peccati vetustate depulsa, colimus virtutes et recte cogitantes et agentes eius Spiritus impulsionibus novemur. Nihil autem populo cuilibet contingere potest felicius, quam si religiosus ac fortis Evangelii sapientiam consiliorum operumque eligit sibi ductricem. Hoc post actum eucharisticum triumphum plenius eveniat Hungáriáé, cui ita haud defuturae affulgebunt beatitas et gloria. Rei publicae instituta, doctrinae domicilia, domesticus convictus, nuptiae, indicia, forum Christianae sophiae latice sucocpie prenetran- tur; quidquid in legibus a divinis dissidet praeceptis, romovetur ; coniugiorum insta foedera sunto; morum integritate et strenue agendi studio vigeto soboles, patriae tutissima spes ; et, quod caput est et omnium origo bonorum, in exemplum excolatur, adhibetur, celebratur mysterium caritatis, signum pietatis, vinculum unitatis, quo Deo homines subiunguntur ac mutuo nexu coniunguntur et superno munere implentur.

Haec imo ex pectore eliciens vota, Augustus Pontifex tibi, ceteris Hungarorum sacris pastoribus, magistratibus, sacerdotibus, fidelibus cunctis, qui utcumque de Eucharistico Conventu egregie meriti sunt vel eidem interfuerunt totique S. Stephani Regno Apostolicam Benedictionem, coelestis misericordiae pignus, libentissime indulget.

De eximiae humanitatis sensibus mihi quoque a te promptis gratias tibi ago plurimas ac manum tuam deosculatus summa qua par est veneratione me profiteor

Eminentiae Tuae

hum.Ilum ac dev.mum servum verum E. Card. Pacelli m. p.

Nr. 2963.

Responsum Beatissimi Patris post Congressum Eucharisticum.

7