Circulares litterae dioecesanae anno 1930. ad clerum archidioecesis strigoniensis dimissae
II.
17 Nr. 450. Litterae En- cyclicae Pii PP. XI. de exercitiis spiritualibus promovendis. Monitis et hortamentis Romanorum Pontificum Clementis XI.,1 Benedicti XIV.,2 Pii IX.3 et Pii X.4 decessor Noster p. m. Claudius Card. Vaszary pienter obsecundavit, cum exercitia spiritualia, quibus sacerdotes Archi- dioecesis Strigoniensis iamdudum veluti communis pietatis instinctu laudabiliter operam dare solebant, ea ratione urgeret, ut de illis peragendis statutum dioecesanum conderet.5 Vigore huius statuti, antequam in Ecclesia universali lex exercitia spiritualia pro Clero praecipiens habita esset, sacerdotes Nostrae Archidioecesis iam ab anno 1906. tenebantur exercitiis spiritualibus saltem tertio quoque anno sive in Seminario Aeppali sive in aliquo alio Asceterio vacare. Peculiari laude digna est observantia Cleri, qua statutum hoc suscepit et exeeutioni mandavit. Numerosi sacerdotes exercitiis quotannis in Seminario Stri- goniensi interveniebant et qui diversis ex rationibus ibidem adesse non potuerunt, solitudinem domuum religiosarum cum legem impleturi tum spiritualem dulcedinem exercitiorum libaturi quaerebant. Vix unus alterve moneri debuit, ut legis praescriptum, elapso triennio, impleret. Quare cum Codex canone 126. legem de exercitiis peragendis pro universali Ecclesia promulgaret, hic canon nullo modo apud nos aliquid novi introduxit, sed praxim iam introductam, imo lege particulari sancitam denuo confirmavit. Nos ipsi, cum duobus iam annis una cum Clero exercitiis in Seminario Aeppali operam daremus, sum1 Ep. Encycl. Inter gravissimas, 1. Febr. 1710. Cfr. Ferraris, Prompta Bibi. v. III. p. 918. sqq. 3 F7p. Encycl. Ubi primuni, 3. Dec. 1740. 3 F7p. Encycl. Qui pluribus. 9. Nov. 1846. 4 Allocutio ad Clerum Romanum die 27. Dec. 1904. directa. 5 Litt. Circ. Ann. 1906. p. 93. sqq. mam voluptatem cepimus observando, quanta animi alacritate sacerdotes solitudinem exercitiorum petant ibidemque omnia diligentissime peragant, quae ad uberrimos fructus percipiendos- iuxta doctrinam magistrorum vitae spiritualis conducant, adeo ut Nobis visum sit hisce exercitiis non tam legem voluntati alienam impleri, sed interna animi desideria satiari. Nec lege pro Clero condita Romani Pontifices quoad usum exercitiorum a hortamentis adhibendis cessaverunt. Imo quod clericis in forma legis praescriptum est, id etiam laicis proficuum ac salutare tum in privatis colloquiis, tum in sollemni forma commendaverunt. Novissime SSmus Dominus Noster Pius Papa XI. Litteras Encyclicas ad universos Ecclesiae episcopos de usu exercitiorum spiritualium promovendo direxit, in quibus de utilitate opportunitateque exercitiorum sapientissima verba facit et hoc perfectioris vitae adminiculum pro variis hominum generibus, nedum sacerdotibus religiosisque, sed et laicis permultum commendat rectissimamque methodum eiusdem disertis verbis proponit. Quas litteras reverenter susceptas pro utilitate Cleri fideliumque integras communicare decrevimus. VENERABILIBUS FRATRIBUS PATRIARCHIS PRIMATIBUS ARCHIEPISCOPIS EPISCOPIS ALIISQUE LOCORUM ORDINARIIS PACEM ET COMMUNIONEM CUM APOSTOLICA SEDE HABENTIBUS PIUS PP. XI VENERABILES FRATRES SALUTEM ET APOSTOLICAM BENEDICTIONEM 3
