Circulares literae dioecesanae anno 1918. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae

XII.

95

Nr. 4638.

In plenariis coetibus dierum 2—3 iunii 1918 soluta dubia.

mensis et anni, in solita audientia R. P. D. Assessori S. 0. impertita, facta de liis SSmo D. N. Benedicto Papae XV. relatione, Sanctitas Sua resolutionem Emo- rum PP. approbavit, confirmavit et publicari mandavit.

Datum Romae, ex aedibus Sancti Officii, die 7. iunii 1918.

Aloisius Castellano,

S. R. et U. I. Notarius.

Strigonii die 31. Augusti 1918.

I.

De obligationibus clericorum.

(Lib, II. Pars I, Sect. I, Tit. III.)

Utrum quoad licentias habendas, de quibus in Decr. Docente Apostolo, 11 nov. 1910, recurrendam sit ad S. Sedem, an vero ad proprium Ordinarium (Can. 139, § 3).

Resp.: Ad Ordinarium proprium.

II.

De religionum regimine.

(Lib. II, Pars II, Tit. X, Cap. I.)

Utrum praescriptum canonis: „superiores minores locales ne constituantur ad tempus ultra triennium, etc.“, applicetur quoque superioribus seu directoribus scholarum, hospitalium, aliorumque piarum domorum (Can. 505).

Resp.: Affirmative, si superiores isti seu directores sint simul superiores religiosorum, sub sua potestate habentes alios religiosos, etiam quoad religiosam disciplinam.

III.

De irregularitatibus aliisque impedimentis.

(Lib. Ill, Pars I, Tit. VI, art. II.)

I. Utrum ad sensum canonis 987, n. 5, impediti sint qui ad militiam forsan vocabuntur, sed de facto nondum sunt

vocati, vel quia aetate impares sunt, vel quia, examine recte peracto, ad tempus inhabiles sunt declarati (Can. 987, n. 5).

Et quatenus negative:

2. Utrum praedicti non solum ad primam tonsuram et minores Ordines, sed etiam ad maiores licito promoveri possint, servato tamen, quoadusque hoc bellum perduraverit, Decreto Ut ius certum,.

Resp.: Ad lm Affirmative.

Ad 2m Provisum in primo.

IV.

De matrimonio.

(Lib. Ill, Pars I, Tit. VII.)

1. Si quis reclamet ius suum ex sponsalibus valide contractis contra partem inituram matrimonium cum alio, matrimonium eritne suspendendum usque dum actum fuerit de iusta causa dispensationis priorum sponsalium et de damnorum reparatione, si qua debeatur? (Can. 1017,§3).

Resp.: Negative, seu non amplius admitti actionem de iusta causa dissolutionis sponsalium; actionem vero reparationis damnorum non suspendere matrimonii celebrationem.

2. Utrum actio reparationis damnorum, de qua in can. 1017, § 3, pertineat ad forum ecclesiasticum, an ad civile.

Resp.: Actionem reparationis damnorum, de qua in can. 1017, § 3, esse mixti fori.

3. Si sponsa vel sponsus inveniantur ignari doctrinae Christianae, eritne locus eos respuendi a matrimonio, vel differendi matrimonium usque ad instructionem? (Can. 1020, § 2).

Resp.: Parochus servet praescriptum canonis 1020, § 2; et dum ea peragit quae Codex peragenda praescribit, sponsos ignorantes sedulo edoceat prima saltem doctrinae Christianae elementa: quodsi renuant, non est locus eos respuendi a matrimonio ad normam canonis 1066.

4. Si pars post adeptam pubertatem plusquam per sex menses commorata