Circulares literae dioecesanae anno 1918. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
XII.
94 dere commemorationem pro sponsis, quamquam haec Festa, sicuti alia Festa Epiphaniae, Pentecostes, Ssmae Trinitatis et Corporis Christi, ullam aliam orationem excludant? II. Licetne tempore clauso Missam votivam pro sponsis celebrare? III. In vigiliis, occurrentibus extra tempus clausum, privilegiatis, nempe Pentecostes et Epiphaniae, licetne legere Missam votivam pro sponsis? Sacra Rituum Congregatio, audito specialis Commissionis suffragio, et prae oculis habito Canone 1108 Codicis luris Canonici una cum Rubricis Missalis, quaestionibus sibi propositis ita respondendum censuit: Ad I. Affirmative, sub unica conclusione. Ad II. Si Ordinarius loci ex iusta causa permiserit etiam praedicto tempore clauso solemnem benedictionem nuptiarum, Missa votiva pro sponsis celebrari poterit; exceptis tamen Dominicis, Festis de praecepto etiam I. et II. classis, Octavis privilegiatis I. et II. ordinis, Feriis privilegiatis et vigilia Nativitatis Domini. Ad III. Negative in utraque Vigilia. Atque ita rescripsit ac declaravit, die 14 iunii 1918. f A. Card. Vico, Ep. Portuen. et S. Rufinae, S. R. C. Pro-Praefectus. L. f S. Alexander Verde, Secretarius. Strigonii die 31. Augusti 1918. Nr. 4640. De Regulis et Constitutionibus Religiosorum ad normam Canonis 489 Codicis Juris canonici reformandis. Ad normam Canonis 489 Codicis Juris Canonici „Regulae et particulares Constitutiones singularum religionum, canonibus Codicis non contrariae, vim suam servant; quae vero eisdem opponuntur, abrogatae sunt“, ac proinde earum textus emendandus erit. Ne autem in re tanti momenti aliquod inconveniens oriatur, Sacra Congregatio Sodalium Religiosorum negotiis praeposita praescribit emendationes textus Regularum et Constitutionum suo esse subiiciendas examini. Hoc omnes et singulae iuris pontificii Religiones, itemque quaevis Societates sine votis publicis, sive virorum sive mulierum, in communi viventium, opportune peragent cum relationem de statu religionis ad Sanctam Sedem transmittent iuxta praescriptum canonis 510. Quapropter interest ut omnes Religiones una cum praedicta relatione quaedam suarum Regularum Constitutionumve exemplaria ad Hanc Sacram Congregationem mittant. Sacra insuper Congregatio hortatur enixeque rogat Revmos Ordinarios locorum in quibus alicuius Religionis Moderatores supremi et Congregationum mulierum supremae Antistitae commorantur, ut quamprimum de his omnibus illos certiores faciant. Romae, ex Secretaria S. Congregationis, die 26. iunii 1918. L. f S. I. Card. Tonti, Praefectus. f Adulphus, Ep. Canopitan., Secretarius. Strigonii, die 31. Augusti 1918. Proposito a Sacra Congregatione de Seminariis et de Studiorum Universitatibus dubio: Utrum tuto doceri possint sequentes propositiones: I. Non constat fuisse in anima Christi inter homines degentis scientiam, quam habent beati seu comprehensores. II. Nec certa dici potest sententia, quae statuit animam Christi nihil ignoravisse, sed ab initio cognovisse in Verbo omnia, praeterita, praesentia et futura, seu omnia quae Deus scit scientia visionis. III. Placitum quorumdam recentio- rum de scientia animae Christi limitata, non est minus recipiendum in scholis catholicis, quam veterum sententia de scientia universali: Emi ac Rmi DD. Cardinales in rebus fidei et morum Generales Inquisitores, praehabito voto DD. Consultorum, respondendum decreverunt: Negative. Insequenti vero feria V. eiusdem Nr. 4639. Circa quasdam propositiones de scientia animae Christi.
