Circulares literae dioecesanae anno 1917. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
VIII.
68 vembris occurrat; quo in casu eadem Commemoratio cum suis privilegiis in diem immediate sequentem de more transferatur. Sancivit insuper Sanctitas Sua, ut Calendaria et Propria particularia, nullo excepto, huic decreto conformari debeant: Contrariis non obstantibus quibuscumque, etiam speciali mentione dignis. t A. CARD. VICO, Ep. Portuen. et S. Rufinae, S. R. C., Pro-Praefectus. L. S. ALEXANDER VERDE, Secretorius. Strigonii, die 28. Maii 1917. DUBIA DE MISSIS IN COMMEMORATIONE OMNIUM FIDELIUM DEFUNCTORUM. A Sacra Rituum Congregatione pro opportuna declaratione postulatum est: An ex tribus Missis de Requie in Commemoratione Omnium fidelium defunctorum a Constitutione apostolica diei 10. Augusti 1915. permissis : I. Sacerdos unam vel duas tantum Missas celebrare queat, et II. in utroque casu quaenam Missae ex descriptis in decreto Sacrorum Rituum Congregationis Urbis et Orbis diei 11. Augusti 1915. legendae sint, ac denum III. pro quibus eaedem applicandae? Et Sacra Rituum Congregatio, exquisito specialis Commissionis suffragio, omnibus perpensis, ita rescribendum cen- suit : At I. Affirmative ad utrumque. Ad II. Prima Missa ex supradescriptis semper legenda est; altera erit secunda. Ad III. In utroque casu una Missa ad intentionem celebrantis, in secundo tamen casu, altera ex duabus Missis pro omnibus fidelibus defunctis applicanda est. Atque ita rescripsit et declaravit de mandato Sanctissimi, die 28. Febr. 1917. t A. CARD. VICO, Ep. Portuen. et S. Rufinae, S. R. C. Pro-Praefectus. L. S. ALEXANDER VERDE, Secretorius. Strigonii, die 28. Maii 1917. DECRETUM CIRCA RUBRICAS BREVIARII. Per decretum Sacrae Rituum Congregationis Urbis et Orbis diei 28. Februarii vertentis anni, de Commemoratione omnium fidelium defunctorum, Sanctissimus Dominus Noster Benedictus Papa XV, statuit ac sancivit, ut eiusmodi Commemoratio excludat omnia et singula Festa propria locorum, ecclesiarum, ordinum seu Congregationum, aliorumque institutorum. Hinc Sacra eadem Congregatio, audito specialis Commissionis suffragio, cunctisque sedulo perpensis, sequentes variationes, a praefato decreto deductas, in Rubricis Breviarii Romani faciendas esse censuit; easque in futuris ipsius Breviarii editionibus inseri atque ab omnibus servari mandavit. In Rubricis Breviarii ad normam bullae „Divino afflatu.“ I. Tit. IV., Num. 6. Commemoratio Omnium fidelium defunctorum excludit tum Festa occurrentia, tum Festa transferenda cuiusvis ritus. Si tamen dies 2. Novembris in Dominicam inciderit, Officium fit de Dominica cum commemoratione Octavae omnium Sanctorum; et Commemoratio Omnium fidelium defunctorum, iisdem cum juribus, in diem 3. tamquam in sedem propriam transfertur. Nr. 2871. De missis in Comm. Omn. Fidel. Defunct. Nr. 3004. Circa rubricas Breviarii in Comm. Omn. Fidei. Defunct.
