Circulares literae dioecesanae anno 1915. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae

II.

8

quanta vis beneficiorum coelestium ex furentium bellorum malis in fidelium animos, ex multiplicata et continua obsecratione redundaverit: non possumus quin eos ad ingeminandas in spiritu humilitatis preces et officia pietatis porro quoque fervidius exercenda paterne cohortemur, quia hisce diebus, licet humanis mere oculis inspecti, male feriati appareant, propior est salus. Re vera nunc, ubi tormentorum bellicorum sonitu aures fere obsurdescunt: animi eo utique proniores sunt aeque ad divina consilia meditanda atque ad violati coelestis Numinis expiationem, quae est emendatrix vitae poenitentia. Ecce nunc tempus acceptabile, ecce nunc tempus salutis. Augent insuper opportunitatem ferventius supplicandi et ad se magis revertendi dies quoque bacchanal iorum, per quos mundus, qui semper decipi vult, homines sui oblitos, ut plurimum decipere solet cum maxime. Ne id fieret, imo vero ut fideles terrenis affectibus coercitis, a mundanis coetibus, choreis, publicis spectaculis et quibusvis noxiis excessibus retrahantur, eorumque mentes coelestibus potius instaurentur disciplinis; valde congruum esse censui- mus triduanas indicere quasdam supplicationes, quae et temporibus et rerum domesticarum adiunctis consentaneae forent.

• Igitur praecipimus et mandamus uti sequitur:

I. 14 Februarii, quae est Dominica Quinquagesimae, in omnibus templis curialibus et filialibus, publicis item et semi- publicis regularium ecclesiis (ubi diebus Domini divina solemnius peragi solent): in fine Missae cantatae (hora consueta celebranda) coram Sanctissimo in throno collocato, actus fidei, spei et charitatis eliciantur, talique ratione fideles ad charismata meliora diebus hisce inflammentur aemulanda.

Inclinante in vesperam die, hora serotina quae magis censetur congrua, loco Litaniarum coram exposita patenter SS. Eucharistia praeorante sacerdote absolvetur Rosarium eo ritu, uti id alias ex praescripto p. m. Leonis Papae XIII toto mense Octobri fieri consuevit.

II. 15 Februarii feria 2 in singulis ut supra dictum est ecclesiis, hora tamen fidelibus magis congrua, celebretur ubique Missa cantata de Requiem pro fratribus nostris, qui in bello gloriosam pro patria mortem oppetiere. Hoc idem pro sua pietate poterunt facere reliqui etiam sacerdotes, Missam planam ea mente celebrantes et si libet applicantes. Fideles autem, praesertim consanguinei in acie campi defunctorum hortandi, ut rite expiati angelico pane se reficiant, et quidem infra actionem Missae, ut et sacrificii et sacramenti fructuum participes, eosdem ani- mabus defunctorum adplicent.

Eadem die horis vespertinis ad tempus Augustissimum Sacramentum adorationi fidelium exponatur, et recitentur coram eodem Litaniae Lauretanae cum oratione seu dedicatione ad Magnam Dominam.

III. 16 Februarii feria 3. in omnibus ut supra ecclesiis, hora quae videbitur magis opportuna ubique celebrari poterit (ad libitum, et sine onere applicationis) Missa votiva tempore belli sine Gfl. 2 or. off. curr. 3. pro pace (et si fiat Missa coram Sanctissimo, quod vehementer probamus 4 or. de eodem), sine Cr. Praef. communis, col. viol.

Pro devotione vespertina, (quam hodie maiori solennitate celebrandam volumus)