Circulares literae dioecesanae anno 1915. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
XVII.
XVII. Nr. 4539. Juris Funerandi. Nr. 4540. Dubia. Dubium. — Archiepiscopus Vercellensis ad hanc S. Congregationem Concilii infrascriptum dubium pro opportuna solutione reverenter detulit, nimirum: „An, dum ardet praesens bellum, castrensibus, qui in hospitalibus nunc pro militibus vulneratis aut aegrotantibus erectis inserviunt, exclusive competat ius funerandi quoad milites qui in praedictis hospitalibus decedant?“ Et sacra eadem Congregatio, re mature perpensa, die 7 iulii 1915 rescribendum censuit prout rescripsit: „Affirmative, dummodo exsequiae peragantur in sacello hospitalis, et cadaver sine pompa efferatur ad coemeterium.“ Datum ex aedibus S. C. Concilii, die, mense et anno ut supra. L. f S. 0. Giorgi, Secretarius. Sacrae Rituum Congregationi sequentes quaestiones pro opportuna solutione propositae fuerunt; nimirum: I. An Commemoratio de Anniversario electionis et consecrationis Episcopi in Missis lectis prohibeatur diebus infra octavas privilegiatas, ritus semiduplicis ? II. An dioecesana lege prohiberi possit domorum benedictio diebus Sabbatum sanctum proxime praecedentibus, imo toto tempore quadragesimali, ne talis benedictio a fidelibus ut paschalis aestimetur, et magna exinde confusio oriatur in populo ? Et Sacra eadem Congregatio, audito specialis Commissionis suffragio, propositis quaestionibus ita respondendum censuit: Ad I. Negative. Ad II. In casu, affirmative iuxta decreta. Atque ita rescripsit et declaravit. Die 2 iulii 1915. A. Card. Vico, S. R. C. Pro-Praefectus. L. f S. Alexander Verde, Secretarius. Expostulatum est a sacra Rituum Congregatione: utrum imagines seu statuae alicuius Beati, formaliter beatificati, publicae fidelium venerationi in ecclesiis seu oratoriis publicis expositae, amoveri possint auctoritate respectivi Ordinarii ? Et sacra eadem Congregatio proposito dubio ita respondendum censuit: Si adfuit indultum apostolicum, vel tantum expositionis praedictarum imaginum seu statuarum, vel maius indultum celebrandi 25 Nr. 4541. De imaginibus beatorum publicae venerationi expositis.
