Circulares literae dioecesanae anno 1914. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae

IV.

42

id ex iure aut consuetudine incumbit, severe iniungimus, ut deferendis sacris oleis destinati (qui si laici fuerint, honesti omnino sint viri) tempestive i. e. hora circiter undecima antemeridiana in ca- thedrali ecclesia compareant ac tribus mundis, (a vetustate debite per sacerdotem purgatis), nitidis et honestis vasculis argenteis vel saltem stanneis, nullo autem modo cupreis, neque testaceis aut plane vitreis, bene obturatis, quae inter se distincta et per inscriptiones literis rnaiu- sculis discreta sint, sacrum chrisma et Sancta olea excipiant. Cui vero sacrum chrisma sancta q ue olea in metropolitana nostra ecclesia distribuendi munus incumbit, idem superpelliceo indutus, assistentibus sibi duobus aeque superpelliceo indutis clericis, absque ullo murmure aut contentione, benigne omnique cum gravitate et pietate, neonon iusta quantitate eosdem Sacros liquores dispenset; et quidem primo exteris et a civitate Stri- goniensi remotioribus (praeprimis vica- riatui aeppali Tyrnaviensi et Budape- stiensi, unde pro iisdem deferendis omnino clericum in sacris constitutum deligendum mittendumque mandamus) ut ad respectivas ecclesias tempestive, quippe ante vigiliam Paschae eadem sancta olea deferri, ipsoque Sabbato Sancto fons ba- ptismalis ad tramitem Rubricarum recen- tissimo oleo et chrismate sacro lustrari queat.

Interim parochos et ecclesiarum rectores identidem hortamur et obsecramus, ut nitori eorumdem vasculorum omni studio providere satagant et ante infusionem recentium oleorum aqua cineribus decocta lavent purgentque, ne de metallo vasculorum imbibita ranciditas novos penetrans sacros liquores, paulatim

corrumpat reddatque male olentes, imo nauseam moventes, quod fideles aegre decumbentes et extreme uncti semel iterum que acri animo conquesti sunt. Decursu anni vero olea sacra in loco nitido et sicco conservent omnemque curam adhibeant, ne eadem ranciscant; quodsi tamen non obstante omni cura evenerit, modo in superioribus descripto vasa sacra pungent.

Ut insuper tres ampullae seu vascula apte ab invicem discernantur, distinctio sacrorum liquorum facilior evadat et omnis omnino error in singulorum sacramentorum administratione excludatur, volumus et mandamus, ut abbreviation! - bus adusque usitatis prorsus eliminatis, tria vascula signentur amodo uti sequitur:

S. Chrisma. — 01. Inf. — 01. Ca- tech. — et parochorum seu ecclesiarum rectorum erit, ut per artifices has, et non alias inscriptiones vasculis seu ampullis postmodum procurandis incidi curent.

Postremo hac oblata utentes occasione, quaedam secus nota, sed ut plurimum non observata, circa rectam sanctorum oleorum administrationem veniunt inculcanda. Ubi primum parochus vel ecclesiae rector novum chrisma Sanctaque olea receperit, veteribus non amplius utatur, sed quidquid ex his liquidum superfuerit, totum lampadi ecclesiae ante SS. Sacramentum collucenti infundat ; sin bombyci vel gossipio dumdaxat immixtum fuerit, super piscinam seu sacrarium devote comburat. Si per annum sancta olea in gossipio ita absorbeantur et exarescant, ut pollex intinctus vix madefiat, et ad praescriptas unctiones rite faciendas vix sufficere credatur, a parocho viciniori aut districtus vicearchidiacono subsidium petatur; pro casu vero subitaneo